The news is by your side.

Advertisement

پاکستان دشمن کوجارحیت پردندان شکن جواب دینےکی صلاحیت رکھتا ہے، نیول چیف

کراچی :نیول چیف ایڈمرل محمدامجدخان نیازی نے کہا کہ پاکستان ایک پرامن ملک ہے اور دشمن کوجارحیت پردندان شکن جواب دینےکی صلاحیت رکھتاہے۔

تفصیلات کے مطابق ترجمان پاک بحریہ کی جانب سے جاری بیان میں کہا گیا ہے کہ کراچی میں جنگی مشق رباط 2021 کی اختتامی تقریب کا انعقاد کیا گیا ، نیول چیف ایڈمرل محمدامجدخان نیازی تقریب کےمہمان خصوصی تھے۔

ترجمان کا کہنا ہے کہ آپریشنل مشق میں پاک بحریہ،پاک فضائیہ کےمشترکہ آپریشنز کوجانچاگیا، جنگی مشق کامقصدپاک بحریہ کی آپریشنل صلاحیتوں کاجائزہ لینا تھا۔

اس موقع پر نیول چیف ایڈمرل محمدامجدخان نیازی نے کہا کہ آپریشنل مشقیں جنگی حکمت عملی کی بہتری میں اہمیت کی حامل ہیں، پاکستان ایک پرامن ملک ہے۔

پاکستان دشمن کوجارحیت پردندان شکن جواب دینےکی صلاحیت رکھتاہے اور پاک بحریہ ملکی سمندری حدودکےدفاع کیلئےہمہ وقت تیارہے۔

پاک بحریہ کے ترجمان کے مطابق سربراہ پاک بحریہ نےمشقوں کےکامیاب انعقاد پراطمینان کااظہارکیا۔

Comments

یہ بھی پڑھیں