The news is by your side.

Advertisement

پاکستان میں کورونا کے وار جاری، اموات کی تعداد 1200کے قریب پہنچ گئی، کیسزکی تعداد57ہزار سے تجاوز

اسلام آباد : پاکستان میں کورونا کے وار جاری ہے ، ملک بھر میں چوبیس گھنٹے کے دوران کوروناوائرس سےمزید30 افراد جان کی بازی ہار گئے ، جس سے اموات کی تعداد 1200کے قریب پہنچ گئی جبکہ کورونا کیسزکی تعداد57ہزار سے تجاوز کر گئی۔

تفصیلات کے مطابق پاکستان میں لاک ڈاؤن میں نرمی کے بعد کوروناوائرس کےحملوں میں تیزی آنے لگی ، نیشنل کمانڈاینڈآپریشن سینٹر نے کورونا وائرس سے متعلق تازہ اعدادو شمار جاری کر دیئے ہیں۔

نیشنل کمانڈاینڈآپریشن سینٹر کے مطابق 24گھنٹے کے دوران کوروناکے30مریض انتقال کرگئے، جس کے بعد پاکستان میں کوروناسےہلاکتوں کی تعداد ایک ہزار 197 ہوگئی ہے۔

کیسز کے حوالے سے بتایا گیا ہے کہ 24گھنٹوں مین کوروناکےایک ہزار356کیسزرپورٹ ہوئے اور کوروناکےتصدیق شدہ کیسزکی تعداد57ہزار705 تک جا پہنچی جبکہ کورونا وائرس کے 38 ہزارایک سوچورانوےمریض زیرعلاج ہیں۔

اعدادو شمار کے مطابق سندھ میں کوروناسےمتاثرہ لوگوں کی تعداد 22 ہزار934 ، پنجاب میں 20 ہزار 656، خیبرپختون خوا میں 8 ہزار 80، بلوچستان میں 3ہزار 468، اسلام آباد میں 17 سو 28 ، گلگت بلتستان میں 630 اور آزاد کشمیر میں 211 ہے۔

این سی اوسی کا کہنا ہے کہ اٹھارہ ہزارتین سوچودہ مریض کوروناکوشکست دےکرصحت یاب ہوچکے ہیں جبکہ پاکستان میں اب تک4 لاکھ 90ہزار908 ٹیسٹ  کیےجاچکےہیں۔

Comments

یہ بھی پڑھیں