پاکستان اور چین کے درمیان آج دفترِ خارجہ میں مذاکرات ہوں گے -
The news is by your side.

Advertisement

پاکستان اور چین کے درمیان آج دفترِ خارجہ میں مذاکرات ہوں گے

اسلام آباد: پاکستان اور چین کے درمیان آج دفترِ خارجہ میں مذاکرات ہوں گے، ذرائع کا کہنا ہے کہ چین کے ڈپٹی وزیرِ خارجہ آج اسلام آباد پہنچیں گے۔

تفصیلات کے مطابق آج دفترِ خارجہ میں پاکستان اور چین کے وزارتِ خارجہ کے حکام مذاکرات کریں گے، مذاکرات کے لیے ڈپٹی وزیرِ خارجہ چین آج وفاقی دار الحکومت پہنچیں گے۔

وزیرِ خارجہ شاہ محمود قریشی بھی چینی وفد سے ملاقات کریں گے۔

ذرائع کا کہنا ہے کہ پاک چین مذاکرات میں پاکستانی وفد کی قیادت سیکریٹری خارجہ تہمینہ جنجوعہ کریں گی۔

جب کہ چین کی جانب سے ڈپٹی وزیرِ خارجہ کی قیادت میں ایک وفد مذاکرات میں شریک ہوگا، وزیرِ خارجہ شاہ محمود قریشی بھی چینی وفد سے ملاقات کریں گے۔

یاد رہے کہ دو دن قبل پاک چین مشترکہ فوجی مشقوں کے سلسلے میں چینی دستہ پاکستان پہنچا ہے، یہ مشقیں 3 ہفتے جاری رہیں گی، مشقوں کے دوران انسدادِ دہشت گردی کے خصوصی آپریشنز کیے جائیں گے۔


یہ بھی پڑھیں:  پاک چین مشترکہ فوجی مشقیں، چینی دستہ پاکستان پہنچ گیا،آئی ایس پی آر


پاکستان اور چین کی مشترکہ فوجی مشقیں جنگجو ششم 2018 میں دونوں ممالک کی ایس ایس جی گروپ کے دستے حصہ لیں گے، مشقوں کا مقصد انسدادِ دہشت گردی کے لیے ایک دوسرے کے تجربات سے فائدہ اٹھانا ہے۔

یاد رہے 2 دسمبر کو بھی پاکستان اورچین مشترکہ فضائی مشقوں کا آغاز پاکستان میں ہوا تھا، مشقوں کو شاہین – سیون کا نام دیا گیا تھا، ان مشقوں میں شریک چینی فضائیہ کا دستہ پائلٹس، ائیر ڈیفنس کنٹرولرز اور تکنیکی عملے کے ساتھ فائٹر، بمبار اور اواکس طیاروں پر مشتمل تھا۔

Comments

comments

یہ بھی پڑھیں