The news is by your side.

Advertisement

کوسٹ گارڈز کے تحت ماہی گیروں کی لانچوں کی ریس

کراچی: ملک بھر میں جشن آزادی کے خوشیاں اور رنگ جہاں ہر سو پھیلے ہوئے ہیں تو وہیں کوسٹ گارڈ کی جانب سے کراچی میں منعقد کی گئی بوٹ ریس نے آزادی کی جشن کو اور بھی منفرد بنا دیا۔

زمین کی طرح سمندر کی موجوں پر بھی سبز ہلالی پرچم کی بہار نے جذبے حب الوطنی کو اجاگر کیا،کیماڑی میں منعقد کی گئی بوٹ ریس میں 20 لانچوں نے حصہ لیا جس میں ماہی گیروں نے تین ناٹیکل میل کا فاصلہ طے کیا۔

بوٹ الرفیقی نے پہلی، الحمدی نے دوسری اور الشان نے تیسری پوزیشن حاصل کی۔ڈی جی کوسٹ گارڈ بریگیڈئیر عتیق الرحمان کاکہنا تھا کہ پاکستان کوسٹ گارڈ کا ماہی گیروں کے ساتھ قریبی اور پرانا رشتہ ہے، کوسٹ گارڈ سمندر کے علاوہ زمین پر بھی انسداد منشیات و اسمگلنگ کی روک تھام کے لیے کوشاں ہے۔

اول ، دوم اور سوم آنے والے ماہی گیروں کو انعامات دیے گئے، بوٹ ریس کے انعقاد کا مقصد ماہی گیروں کی حوصلہ افزائی کرتے ہوئے جشن آزادی کے دن امن و محبت کے پیغام کو عام کرنا تھا۔

Print Friendly, PDF & Email

Comments

comments

یہ بھی پڑھیں