The news is by your side.

Advertisement

پاکستان کوسٹ گارڈز کی کارروائیاں، 5 خواتین گرفتار، بھاری مقدار میں منشیات برآمد

کوئٹہ: پاکستان کوسٹ گارڈز نے کارروائیاں کرتے ہوئے 5 خواتین کو گرفتار کر کے کروڑوں روپے مالیت کی منشیات برآمد کر لی۔

تفصیلات کے مطابق پاکستان کوسٹ گارڈز نے وندر (بلوچستان) کے قریب واقع ناکہ کھاری چیک پوسٹ پر کوئٹہ سے کراچی آنے والی مسافر کوچ میں سوار 4 خواتین سے 25 کلو گرام اعلی کوالٹی کی حشیش (چرس) برآمد کر کے چاروں خواتین کو حراست میں لے لیا۔

ترجمان کوسٹ گارڈ کے مطابق ایک اور کوچ میں سوار مسافر خاتون سے 12 کلو گرام اعلی کوالٹی کی حشیش (چرس) برآ مدکر کے مسافر خاتون اسمگلر کو حراست میں لے لیا گیا۔

ترجمان نے بتایا کہ دوران گشت وندر شہر کے قریب مختلف جگہوں پرغیر قانونی طور پر چھپایا گیا 50 ہزار لیٹر ایرانی ڈیزل برآمد کر لیا گیا۔

ترجمان کوسٹ گارڈ کے مطابق پکڑی جانے والی منشیات کی عالمی مارکیٹ میں مالیت تقر یبا 6 کروڑ 18 لاکھ روپے کے لگ بھگ ہے۔برآمد شدہ منشیات اور 5 خواتین اسمگلرز کو حراست میں لے کر مزید تفتیش جاری ہے۔

واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے۔پاکستان کوسٹ گارڈز ملکی معیشت کو مستحکم کرنے میں اپنا کردار ادا کر تی رہے گی۔

Comments

یہ بھی پڑھیں