The news is by your side.

Advertisement

ایٹمی عدم پھیلاؤ کے عزم پر قائم ہیں: دفتر خارجہ

اسلام آباد: دفتر خارجہ کا کہنا ہے کہ ایٹمی عدم پھیلاؤ کے عزم پر قائم ہیں۔ عالمی اور علاقائی امن کی خواہش پاکستان کے اس عزم کی بنیاد ہے۔

تفصیلات کے مطابق ایٹمی ہتھیاروں کے پھیلاؤ سے متعلق ترجمان دفتر خارجہ نفیس زکریا نے کہا کہ ایٹمی ہتھیاروں کے خاتمے کے لیے عالمی سطح پر اتفاق رائے کی ضرورت ہے۔

انہوں نے کہا کہ اس حوالے سے ہر ریاست کی دفاعی ضروریات کو مدنظر رکھنا ہوگا۔

ترجمان کا کہنا تھا کہ ایٹمی ہتھیاروں کا 2017 کا معاہدہ بنیادی شرائط پوری نہیں کرتا نہ ہی اسٹیک ہولڈرز کے مفادات کا تحفظ کرتا ہے۔ پاکستان نے معاہدے کی حمایت نہیں کی اور نہ ہی مذاکراتی عمل کا حصہ بنا۔

ان کے مطابق پاکستان اس معاہدے کی شق پر عملدر آمد کا پابند نہیں۔

ترجمان کا کہنا تھا کہ ایٹمی ہتھیاروں پر پابندی سے متعلق نتیجہ خیز، غیر امتیازی اور قابل تصدیق معاہدے کی ضرورت ہے۔


Print Friendly, PDF & Email

Comments

comments

یہ بھی پڑھیں