The news is by your side.

Advertisement

سعودی ایئرپورٹ پر حوثی باغیوں کا حملہ، پاکستان کی شدید مذمت

اسلام آباد: پاکستان نے سعودی عرب کے شہر ابہا میں ایئرپورٹ پر حوثی باغیوں کے حملے کی شدید الفاظ میں مذمت کی ہے۔

تفصیلات کے مطابق ترجمان دفتر خارجہ کا کہنا ہے کہ سعودی ایئرپورٹ پر میزائل حملے کی شدید مذمت کرتے ہیں، سعودی عرب کے ساتھ ہمیشہ اظہار یکجہتی کریں گے۔

حوثی باغیوں نے گذشتہ روز سعودی شہر ابہا کے بین الاقوامی ائیرپورٹ پر راکٹ فائر کیا جس کے نتیجے میں 26 افراد زخمی ہوئے۔

عرب اتحاد کے ترجمان کرنل ترکی المالکی نے بتایا کہ حوثی باغیوں نے جس ائیرپورٹ کو نشانہ بنایا وہ روزانہ ہزاروں ملکی و غیر ملکی مسافر استعمال کرتے ہیں۔

حملے کے بعد کچھ دیر کے لیے ائیرپورٹ پر آپریشن معطل رہا تاہم کچھ دیرے بعد ملکی و غیرملکی پروازوں کی آمد کا سلسلہ شروع ہوگیا۔

کرنل ترکی المالکی نے مزید بتایا کہ راکٹ حملے کے نتیجے میں زخمی ہونے والے مسافروں کا تعلق یمن، بھارت اور سعودی عرب سے ہے جن میں تین خواتین اور دو سعودی بچے شامل ہیں۔

سعودی عرب:‌ حوثی باغیوں‌ کا ائیرپورٹ پر میزائل حملہ، 26 زخمی

خیال رہے کہ اس سے قبل بھی متعدد بار یمن میں برسرپیکار حوثی باغی سعودی شہروں کو نشانہ بناتے رہتے ہیں، کئی مرتبہ سعودی اتحادی افواج نے حوثیوں کا ڈرون اور میزائل بھی مار گرایا ہے۔

Comments

comments

یہ بھی پڑھیں