The news is by your side.

Advertisement

پاکستانی حکومت کی سعودی عرب میں حملے کی مذمت

اسلام آباد: دفترِخارجہ نے سعودی عرب کے شہرسیہات میں ہونے والے حملے کی مذمت کرتے ہوئے سانحے میں جاں بحق اور زخمی ہونے والے افراد سے اظہارِ یکجہتی کیاہے۔

سعودی عرب کے صوبے القطیف کے شہ سیہات میں جمعے کے روز ایک مسجد پر دہشت گردوں نے حملہ کیا تھا تھا جس میں فائرنگ کے سبب تاحال موصول ہونے والی اطلاعات کے مطابق پانچ افراد جاں بحق جبکہ متعدد زخمی ہوئے تھے۔

حکومتِ پاکستان اور سعودی حکومت کے درمیان انتہائی دوستانہ مراسم موجود ہیں اور دونوں ممالک کے عوام مذہبی اخوت کے رشتے میں جڑے ہیں اور دکھ کی اس گھڑی میں حکومتِ پاکستان نے سعودی حکومت، سعودی عوام اورمتاثرہ خاندانوں سے اظہارِیکجہتی کرتے ہوئے جاں بحق ہونے والے افراد کی مغفرت اورزخمیوں کی جلد صحتیابی کی دعا کی ہے۔

دفترِخارجہ نے اس موقع پرسعودی حکومت کو پاکستان کی جانب سے مکمل حمایت کی یقین دہانی کرائی ہے اورامید کااظہارکیا ہے کہ خادمینِ حرمین شریفین جلد ہی دہشت گردی پرقابو پالیں گے۔

اس موقع پردفترِخارجہ نے ہرقسم کی دہشت گردی کی مذمت اوراس کے خلاف جدوجہد کرنے کے پاکستان کے دیرینہ موقف کا اعادہ کیا ہے۔

Print Friendly, PDF & Email

Comments

comments

یہ بھی پڑھیں