site
stats
پاکستان

پاکستان کی لبنان میں ہونے والے بم دھماکوں کی مذمت

اسلام آباد: حکومتِ پاکستان نے لبنان کے شہربیروت میں ہونے والے بم دھماکوں کی مذمت کی ہے۔

دفترخارجہ کی جانب سےجاری کردہ بیان میں کہا گیا ہےکہ حکومتِ پاکستان دہشت گردی کی اس ہولناک لیکن بزدلانہ کاروائی کی شدید الفاظ میں مذمت کرتی ہے۔


بیروت میں دوخودکش دھماکے،43افرادہلاک


دھماکوں میں ہلاک ہونے والے افراد کے لواحقین سے حکومتِ پاکستان اور عوام کی جانب سے اظہارِافسوس کرتے ہوئے تعزیت کی ہے اور زخمی ہونے والے افراد کی جلد صحتیابی کی دعا کی گئی ہے۔

پاکستان نے اس موقع پر دہشت گردی کے خلاف اپنے دیرینہ موقف کا اعادہ کرتے ہوئے ہرقسم کی دہشت گردی کے خاتمے کے عزم کا اظہارکیا۔

لبنان کے دارلحکومت بیروت میں یکے بعد دیگرے دو خودکش دھماکے ہوئے، سیکیورٹی حکام کے مطابق خودکش حملہ آوروں نے پہلا دھماکہ برج البراجہ میں کمیونٹی سینٹر کے باہر کیا اوردوسرے دھماکے میں ایک بیکری کو نشانہ بنایا۔

ان دونوں حملوں میں تینتالیس افراد ہلاک جبکہ ایک سو اسی سے زائد زخمی ہوگئے ہیں، جن میں سے کچھ کی حالت تشویشناک ہے۔

بیروت میں ہونے والے ان خود کش بم دھماکوں کی ذمہ داری دہشت گرد اسلامی تنظیم داعش نے قبول کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top