The news is by your side.

Advertisement

یو اے ای: 56 پاکستانی قیدیوں میں 10 ہزار درہم تقسیم کیے جائیں‌ گے

دبئی: پاکستانی قونصل خانہ عید الفطر کے موقع پر یو اے ای کی جیلوں میں موجود 56 پاکستانی قیدیوں کے درمیان 10 ہزار درہم کی رقم تقسیم کرے گا۔

خلیج ٹائمز کے مطابق دبئی میں قائم پاکستانی قونصلیٹ نے اعلان کیا ہے کہ رمضان اور عید الفطر پیکیج کے تحت 56 پاکستانی قیدیوں کے درمیان 10 ہزار درہم کی رقم تقسیم کی جائے گی جو کہ متحدہ عرب امارات کی مختلف جیلوں میں قید ہیں۔

یہ رقم شارجہ، عجمان اور فجیرہ کی سینٹرل جیلوں میں موجود پاکستانی مرد اور خواتین قیدیوں کو قونصل جنرل بریگیڈیئر (ر) سید جاوید حسن کی جانب سے دی جائے گی۔

قونصل خانے کے مطابق 10 ہزار درہم کی رقم میں سے 3600 درہم 18 خواتین میں تقسیم ہوگی جو کہ شارجہ سینٹرل جیل میں قید ہیں، اسی طرح 5200 درہم کی رقم فجیرہ جیل میں قید 25مرد اور خواتین میں جب کہ 1200 درہم کی رقم فجیرہ جیل میں قید 10 خواتین قیدیوں میں تقسیم ہوگی۔

قونصل جنرل نے اپنے بیان میں قیدیوں کو یقین دہانی کرائی ہے کہ پاکستانی قونصلیٹ قیدیوں کی مدد کرنے میں ہرممکن قدم اٹھائےگا۔

انہوں نے کمیونٹی ویلفیئر اتاشی اسما علی اعوان کو ہدایت دی کہ وہ جیلوں کا دورہ باقاعدگی کے ساتھ جاری رکھیں۔

قیدیوں اور جیل حکام نے قونصل جنرل کے رمضان المبارک میں دورہ جیل اور امدادی کارروائی پر شکریہ ادا کیا۔

Print Friendly, PDF & Email

Comments

comments

یہ بھی پڑھیں