The news is by your side.

Advertisement

پاکستان میں کورونا مثبت کیسز کی شرح ایک فیصد سے بھی نیچے آگئی

اسلام آباد : پاکستان میں کورونا مثبت کیسز کی شرح ایک فیصد سے بھی نیچے آگئی، ایک دن میں 11 افراد جاں بحق اور 400 کیسز سامنے آئے۔

تفصیلات کے مطابق نیشنل کمانڈ اینڈ آپریشن سینٹر نے ملک میں کورونا وبا کی صورتحال کے تازہ اعدادو شمار جاری کردیئے گئے، جس میں بتایا گیا ہے کہ ملک میں 24 گھنٹے میں کورونا کے مزید11 مریض جاں بحق ہوئے ، جس کے بعد کورونا وائرس سے مجموعی اموات کی تعداد 28ہزار558 ہوگئیں۔

این سی اوسی کا کہنا تھا کہ ملک میں 24 گھنٹوں کے دوران 42 ہزار373 کورونا ٹیسٹ کیے گئے، جس میں سے 400 افراد میں کورونا کی تصدیق ہوئی ، اس دوران کورونا ٹیسٹ مثبت نکلنے کی شرح 0.94 فیصد رہی۔

نیشنل کمانڈاینڈ آپریشن سینٹر نے بتایا کہ ملک بھر میں کوروناسے متاثرہ ایک ہزار 206 زیرعلاج مریض انتہائی نگہداشت میں ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 77 ہزار 560 تک پہنچ گئی ہے۔

اعدادو شمار کے مطابق سندھ میں کورونا کیسز کی تعدادچار لاکھ 72ہزار213، پنجاب میں 4 لاکھ 41 ہزار257،خیبرپختونخوا میں ایک لاکھ 78 ہزار687 اور بلوچستان میں 33 ہزار 345 ہے جبکہ اسلام آباد میں ایک لاکھ 7 ہزار 151، گلگت بلتستان میں 10 ہزار 394 ، اور آزاد کشمیر میں 34 ہزار 495 کیسز سامنے آچکے ہیں۔

Comments

یہ بھی پڑھیں