site
stats
کھیل

پاکستان کرکٹ ٹیم براستہ دبئی نیوزی لینڈ پہنچ گئی

Pakistan

آکلینڈ : پاکستان ون ڈے کرکٹ ٹیم براستہ دبئی آکلینڈ پہنچ گئی جہاں آج قیام کے بعد کھلاڑی کل نیلسن روانہ ہوں گے۔

تفصیلات کے مطابق پاکستان اور نیوزی لینڈ کے درمیان 5 ون ڈے اور 3 ٹی ٹوئنٹی میچزسیریز کھیلنے کے لیے نیوزی لینڈ پہنچ گئی۔

ون ڈے سیریز سے قبل نیوزی لینڈ الیون اورپاکستان کے درمیان 3 جنوری کو پریکٹس میچ بھی کھیلا جائے گا۔

پاکستان نیوزی لینڈ کے خلاف ون ڈے میچز 6، 9، 13، 16 اور19 جنوری کو کھیلے گا جبکہ ٹی ٹوئنٹی میچز 22، 25 اور 28 جنوری کو کھیلے گا۔

کپتان سرفراز احمد کی قیادت میں قومی اسکواڈ اظہرعلی، شعیب ملک، محمد حفیظ، شاداب خان، رومان رئیس، حسن علی، عامر یامین، محمد عامر، فخرزمان، بابراعظم، امام الحق، حارث سہیل اور فہیم اشرف پر مشتمل ہے۔

یاد رہے کہ گزشتہ دنوں قومی کرکٹ ٹیم کے سابق کپتان یونس خان کا کہنا تھا کہ نیوزی لینڈ کے دورے میں پاکستانی ٹیم ضرور کامیابی حاصل کرے گی۔

یونس خان کا کہنا تھا کہ چیمپیئنزٹرافی کے بعد سے قومی ٹیم کی فتوحات کا سلسلہ جاری ہے اور نیوزی لینڈ کے خلاف بھی جاری رہے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top