The news is by your side.

Advertisement

پاکستان کرکٹ ٹیم کی لندن کے نواحی علاقے بیکنھم میں پریکٹس جاری

بیکنھم: پاکستان کرکٹ ٹیم کی لندن کے نواحی علاقے بیکنھم میں پریکٹس جاری ہے جہاں پر سیکورٹی کے سخت انتظامات کیے گئے ہیں۔

تفصیلات کے مطابق لندن کے علاقے بیکنھم میں پاکستانی ٹیم کی پریکٹس جاری ہے، ٹیم کی حفاظت کے لیے سخت سیکورٹی انتظامات کیے گئے ہیں، کوچ مکی آرتھر نے کھلاڑیوں کو فیلڈنگ کی بھرپور پریکٹس کرائی۔

آئی سی سی کی ہدایات پر اس مرتبہ سانحہ نیوزی لینڈ اور سری لنکا کی وجہ سے کسی بھی ٹیم کے کھلاڑی کو پیشگی اجازت کے بغیر کسی تقریب میں جانے کی اجازت نہیں ہے۔

اے آر وائی نیوز سے گفتگو کرتے ہوئے کھلاڑیوں کا کہنا تھا کہ وہ ورلڈ کپ میں تاریخ ساز کارکردگی کے لیے پُرعزم ہیں۔

یہ بھی پڑھیں:  دورۂ انگلینڈ کا مثبت آغاز، پاکستان نے پریکٹس میچ میں کینٹ کاؤنٹی کو 100 رنز سے ہرا دیا

خیال رہے کہ شاہینوں کا دورۂ انگلینڈ میں دوسرا معرکہ کل نارتھیمپٹن شائر سے ہوگا، ٹیم پاکستان اپنے پہلے پریکٹس میچ میں کینٹ کاؤنٹی کو 100 رنز سے شکست دے چکی ہے۔

قومی ٹیم نے انگلینڈ کے خلاف ون ڈے سیریز کے لیے تیاریاں تیز کر دی ہیں، میچ پریکٹس حاصل کرنے کے لیے پاکستانی ٹیم پیر کو نارتھیمپٹن شائر سے پریکٹس میچ میں مدم قابل ہو گی۔

پاکستان اور انگلینڈ کے درمیان ایک ٹی ٹوئنٹی میچ 5 مئی کو کھیلا جائے گا۔

Comments

comments

یہ بھی پڑھیں