ناٹنگھم: ورلڈ کپ 2019 کے لیے انگلینڈ میں موجود قومی کرکٹرز نے ناٹنگھم میں عید منائی اور قوم کو عید کی مبارک باد پیش کی۔
پاکستان کرکٹ بورڈ (پی سی بی) کی جانب سے ویڈیو جاری کی گئی ہے جس میں دیکھا جاسکتا ہے کہ کھلاڑی ہوٹل سے گاڑی میں سوار ہوکر عید الفطر کی نماز ادا کرنے کے لیے جارہے ہیں۔
قومی کرکٹرز انتہائی خوش دکھائی دے رہے ہیں اور قوم کو عید کی مبارک باد پیش کررہے ہیں، نماز عید کی ادائیگی کے بعد کھلاڑی اور آفیشلز ایک دوسرے کے گلے مل کر خوشی کا اظہار بھی کررہے ہیں۔
EID MUBARIK 🌙#WeHaveWeWill #Eid pic.twitter.com/UwcjADXnyn
— Pakistan Cricket (@TheRealPCB) June 4, 2019
انگلینڈ کے خلاف میچ میں مین آف دی میچ قرار پانے والے محمد حفیظ نے بھی سماجی رابطے کی ویب سائٹ ٹویٹر پر گروپ فوٹو شیئر کیا اور لکھا کہ عید مبارک، ماشاء اللہ۔
Eid Mubarak , Ma Shaa Allah 😍🤲🏼 pic.twitter.com/1Q0E17HZFc
— Mohammad Hafeez (@MHafeez22) June 4, 2019
پی سی بی کی جانب سے جاری کی جانے والی ویڈیو میں بابر اعظم، محمد حفیظ، حارث سہیل، آصف علی اور دیگر کھلاڑیوں کے پیغامات بھی شامل ہیں۔
عید کے موقع پر قومی ٹیم نے ناٹنگھم میں ایک گروپ فوٹو بھی بنوایا جس میں تمام کھلاڑی پرمسرت دکھائی دے رہے ہیں۔
واضح رہے کہ گزشتہ روز قومی کرکٹ ٹیم نے ورلڈ کپ میں شاندار کم بیک کرتے ہوئے میزبان انگلینڈ کو 14 رنز سے شکست دی تھی، قومی ٹیم اپنا اگلا میچ 7 جون کو سری لنکا کے خلاف کھیلے گی۔