کرکٹ میں کرپشن کرنے والوں کو سزائے موت دی جائے‘جاوید میانداد کا مطالبہ -
The news is by your side.

Advertisement

کرکٹ میں کرپشن کرنے والوں کو سزائے موت دی جائے‘جاوید میانداد کا مطالبہ

کراچی: نامور سابق کرکٹرجاوید میانداد نے کہا ہے کہ کرکٹ مہذب لوگوں کا کھیل ہے، جو اسے خراب کرے اُسے فوری سزائے موت دی جانی چاہئے۔

پاکستان کے سابق کرکٹر جاوید میانداد نے کہا ہے کہ کرکٹ ایک جذبے کا کھیل ہے، اسے سٹے بازی سے پاک رکھاجائے ، 59 سالہ سابق کرکٹر جاوید میانداد نے کہا کہ جواس شریفانہ کھیل کو خراب کرے اسے عبرت ناک مثال بنا دینا چاہئے ، اور ایسے کھلاڑیوں کو فوری سزائے موت دی جانی چاہئے۔

حالیہ میچ فکسنگ کے اسکینڈل کے حوالے سے انہوں نے کہا کہ کرکٹ کو کرپشن سے پاک کرنے کے اہم اقدامات کرنا بہت ضروری ہیں

سابق کرکٹرنے کرکٹ انتظامیہ سے مخاطب ہوکر کہا کہ آپ لوگ مضبوط اقدامات کیوں نہیں لیتے؟ ایسے لوگوں کو تو سزائے موت دینا چاہئے، ہمیں اس طرح کی چیزوں کو برداشت نہیں کرنا چاہیے۔ آپ مضبوط اقدامات کیوں نہیں اٹھاتے؟۔

ایک اورعظیم کرکٹر عبدالقادرنے بھی میاںداد کے بیان سے اتفاق کیا ہے ، انہوں نے بھی کہا کہ کرپشن میں ملوث کھلاڑیوں کو پھانسی دی جانی چاہئے،

ایک ٹی وی شو میں عبدالقادر نے کہا کہ شرجیل، سلمان بٹ، محمد آصف اور دانش کنیریا نے جو کچھ کیا وہ جرم کے مرتکب ہیں، اگر ماضی میں پاکستان کرکٹ بوڈر عبرت ناک سزائیں سنادیتا تو آج یہ نوبت نہ آتی.

Comments

comments

یہ بھی پڑھیں