تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

یوم پاکستان پر مسلح افواج کی شاندار پریڈ ، ملکی دفاعی اور فوجی طاقت کا بھرپور مظاہرہ

اسلام آباد : وفاقی دارلحکومت میں یوم پاکستان کی پروقار مرکزی تقریب جاری ہے ، جس میں مسلح افواج نے ملکی دفاعی اور فوجی طاقت کا بھرپور مظاہرہ کیا۔

تفصیلات کے مطابق ملک بھرمیں آج یوم پاکستان بھرپور جوش وجذبےسےمنایا جارہا ہے ، اسلام آباد کے شکر پڑیاں پریڈ گراؤنڈ یوم پاکستان کی مرکزی تقریب جاری ہے۔

تقریب میں صدرمملکت عارف علوی روایتی بگھی میں آئیں، صدر پاکستان سمیت مہمان خصوصی کی آمد کے بعد گراؤنڈ میں قومی ترانا پڑھا گیا اور کلام پاک کی تلاوت کی گئی۔

بعدازاں ڈاکٹرعارف علوی کو مسلح افواج کے دستوں نے سلامی پیش کی اور صدرنے مسلح افواج کی پریڈ کا معائنہ کیا۔

صدر پاکستان کو سلامی پیش کیے جانے کے بعد پاک فضائیہ کے سربراہ ائیر چیف مارشل ظہیر احمد کی سربراہی میں جنگی طیاروں نے صدر مملکت کو سلامی پیش کی۔

یوم پاکستان کے موقع پر خصوصی پریڈ کی تقریب میں صدر پاکستان ڈاکٹر عارف علوی، وزیر اعظم پاکستان عمران خان، وفاقی وزرا اور تینوں مسلح افواج کے سربراہان کے علاوہ سمیت او آئی سی تنظیم کے وزرائے خارجہ بھی موجود ہیں۔

فوجی دستوں نے پریڈ کمانڈر کی قیادت میں مارچ پاسٹ کیا جبکہ رینجرز، مجاہد فورس، پولیس بلوچستان لیویز اور کوسٹ گارڈ کے دستے نے پہلی بار پریڈ میں شرکت کی۔

پاکستان کی باون فیصد خواتین آبادی کی نمائندگی کرنےوالی تینوں مسلح افواج کی خواتین نےسلامی پیش کی، تو شرکا نے دل کھول کر داد دی۔

پاکستان کے دوست ممالک ، بحرین، ازبکستان، آزربائیجان،ترک اورسعودی عرب کے فوجی دستوں نے سلامی پیش کرکے اپنی مضبوط دوستی کا ثبوت پیش کی۔

دشمن کو نیست ونابود کرنے کے لیے انتہائی تباہ کن ہتھیار پریڈ کا حصہ ہیں جبکہ الخالد اور الضرار ٹینک نے دشمن پر ہیبت طاری کی، اس موقع پر فتح ون راکٹ سسٹم ، شاہین ، غوری ، نصر سمیت جدید جدید آلات حرب کی نمائش کی گئی۔

اس سے قبل وفاقی دارالحکومت اسلام آباد میں یوم پاکستان کے دن کا آغاز 31 توپوں جبکہ صوبائی دارالحکومتوں میں21،21 توپوں کی سلامی سے ہوا اور فصا اللہ اکبر کے نعروں سے گونج اٹھی۔

اس موقع پر ملک کی سلامتی اور یکجہتی کے لیے خصوصی دعائیں بھی کی گئیں۔

Comments

- Advertisement -