The news is by your side.

Advertisement

یومِ پاکستان کی پریڈ کل ہوگی

اسلام آباد: یوم پاکستان کی پریڈ کل ہوگی ، جس میں تینوں مسلح افواج اور دیگر سیکیورٹی فورسز کے دستے مارچ پاسٹ میں حصہ لیں گے جبکہ جنگی جہاز فضائی کرتب کا مظاہرہ کریں گے۔

تفصیلات کے مطابق یوم پاکستان پریڈ کی تیاریاں مکمل کر لی گئیں، کل پریڈ میں تینوں مسلح افواج اور دیگر سیکیورٹی فورسز کے دستےمارچ پاسٹ کریں گے۔

یوم پاکستان پریڈ میں دفاعی ساز و سامان کی نمائش ہوگی جبکہ جنگی جہاز فضائی پاسٹ کریں گے۔

اس موقع پر جڑواں شہروں میں موبائل سروسز معطل رہیں گی جبکہ اسلام آباد اور راولپنڈی میں کل عام تعطیل ہو گی۔

خیال رہے یوم پاکستان کی پریڈ موسم کی خرابی کےباعث پچیس مارچ تک ملتوی کی گئی تھی۔

یاد رہے پاک فوج کے شعبہ تعلقات عامہ (آئی ایس پی آر) نے کرونا کے بڑھتے ہوئے کیسز کے پیش نظر یومِ پاکستان 23 مارچ کی پریڈ میں ایس او پیز کے حوالے سے اہم ہدایت نامہ جاری کیا ہے۔

ہدایت نامہ کے مطابق شرکا کو پہلے ہی روز سے خصوصی بائیو سکیور ببل میں رکھا گیا ہے جبکہ پریڈ دیکھنے کے لیے آنے والے تمام شرکاء کو کرونا ایس او پیز پر سختی سے عمل درآمد کرنا ہوگا، تمام حاظرین کو بغیر ماسک پہنے پنڈال میں‌ داخل نہیں ہونے دیا جائے گا۔

Comments

یہ بھی پڑھیں