The news is by your side.

Advertisement

بابائے قوم، تحریک آزادی رہنماؤں کو خراج عقیدت پیش کرتے ہیں، وزیراعظم

وزیراعظم پاکستان عمران خان کا 23مارچ2022یوم پاکستان کے موقع پر اپنے پیغام میں کہا ہے کہ23مارچ تخلیق پاکستان کے حقیقی مقاصد پر کاربند رہنےعزم کی تجدید کا دن ہے۔

قومی دن کے موقع پر جاری اپنے پیغام میں انہوں نے کہا کہ بابائےقوم، تحریک آزادی رہنماؤں کو خراج عقیدت پیش کرتے ہیں، نوجوانوں کیلئے جاننا ضروری ہے کہ پاکستان طویل جدوجہد کے بعد معرض وجود میں آیا۔

وزیراعظم اب استحکام، ترقی کی کلید محنت، دیانتداری، اخلاقیات میں مضمر ہے، ایمان، اتحاد، تنظیم پر کاربند رہنے کی ضرورت ہے، خود کو مدینہ کی طرز پر حقیقی فلاحی ریاست کیلئے وقف کرنا چاہیے۔

عمران خان نے کہا کہ ہمیں بحیثیت قوم درپیش چیلنجز کا ادراک کرنا چاہیے، حکومت نےغربت کے خاتمے اور انصاف کیلئےاصلاحات متعارف کرائیں، ہماری توجہ معاشرے کے نظرانداز طبقےاور مساوی مواقع پر مرکوز ہے۔

ان کا کہنا تھا کہ کامیاب پاکستان پروگرام زبردست اقتصادی فوائد کا حامل ہے، قومی صحت کارڈ کے فلیگ شپ پروگرام تاریخ میں بےمثال پروگرام ہے، ہم اپنی عظمت رفتہ کی بحالی کی شاہراہ پرگامزن ہیں۔

وزیراعظم عمران خان نے مزید کہا کہ ماضی کی حکومتوں نے قومی مفاد پر ذاتی مفادات کو ترجیح دی، کرپشن کے خاتمے کیلئے جذبے کی ضرورت ہے۔

Comments

یہ بھی پڑھیں