ایشین گیمز، ہاکی ایونٹ میں پاکستان نے ملائیشیا کو 4-1 گول سے شکست دے دی asian games hockey
The news is by your side.

Advertisement

ایشین گیمز، ہاکی ایونٹ میں پاکستان نے ملائیشیا کو 4-1 گول سے شکست دے دی

جکارتہ: ایشین گیمز ہاکی ایونٹ میں پاکستان نے ملائیشیا کو 4-1 گول سے شکست دے دی، صدر اور سیکریٹری پی ایچ ایف نے شاندار کارکردگی پر قومی ٹیم کو مبارکباد پیش کی۔

تفصیلات کے مطابق جکارتہ میں کھیلے جانے والے ایشین گیمز کے ہاکی ایونٹ میں پاکستان نے ملائیشیا کو 4-1 گول سے باآسانی شکست دے دی، گرین شرٹس کی ایونٹ میں یہ مسلسل چوتھی کامیابی ہے۔

قومی ہاکی ٹیم کی جانب سے اعجاز احمد نے 2، مبشر علی اور محمد عرفان نے ایک، ایک گول اسکور کیا، پاکستان نے پول بی میں پہلی پوزیشن کے ساتھ سیمی فائنل کے لیے بھی کوالیفائی کرلیا ہے۔

گرین شرٹس گروپ کا آخری میچ بنگلا دیش کے خلاف 28 اگست کو کھیلی گی۔

قومی ہاکی ٹیم کی مسلسل چوتھی کامیابی پر صدر اور سیکریٹری پی ایچ ایف نے شاندار کارکردگی پر مبارکباد پیش کی ہے، صدر پی ایچ ایف نے کہا ہے کہ ٹیم سخت محنت اور حکمت عملی کے ساتھ کھیل رہی ہے، امید ہے ہاکی ٹیم فتوحات کا سلسلہ برقرار رکھے گی۔

شہباز احمد سینئر نے کہا ہے کہ قومی ہاکی ٹٰم فتح کے ٹریک پر آگئی ہے، امید ہے کہ گروپ کے آخری میچ میں بھی قومی ٹیم اچھی کارکردگی کا مظاہرہ کرے گی۔

واضح رہے کہ قومی ہاکی ٹیم نے گروپ کے تیسرے میچ میں قازقستان کو 16 گول کے بڑے مارجن سے شکست دی تھی۔
اس سے قبل ایشین گیمز میں قومی ہاکی ٹیم نے تھائی لینڈ کے بعد عمان کو بھی دس صفر سے ہرا دیا تھا، اس جیت کو ٹیم آفیشلز نے قوم کے لیے عید کا تحفہ قرار دیا۔

Comments

comments

یہ بھی پڑھیں