The news is by your side.

Advertisement

بھارت کا پلواما ڈرامہ اور بالاکوٹ سرجیکل سٹرائیک کا جھوٹ پھر بے نقاب

لندن : یورپین جریدے نے بھارت کا پلواما ڈرامہ اور بالاکوٹ سرجیکل سٹرائیک کا جھوٹ بے نقاب کردیا اور کہا پاکستان کے آئی ایس پی آر نے بروقت اطلاعات سے بھارتی بیانیےکی دھجیاں بکھیردیں۔

تفصیلات کے مطابق ماڈرن ڈپلومیسی نامی یورپین جریدے نے بھارت کا پلواما ڈرامے اور بالاکوٹ سرجیکل سٹرائیک کے حقائق کھول کر بیان کر دیے، رپورٹ میں کہاکہ فروری 2019 میں پاکستان کے آئی ایس پی آر نے بروقت اطلاعات سے بھارتی بیانیےکی دھجیاں بکھیردیں۔

جریدے میں کہا گیا بی جے پی اور بھارتی میڈیا نے پاکستانی فضائی حدود کی خلاف ورزی کرکے سرجیکل اسٹرائیک کا دعویٰ کیا تھا، بھارتی حکومت نے بالاکوٹ میں دہشت گرد کیمپ کی تباہی اورتین سو دہشتگرد مارنےکادعویٰ جھوٹا ثابت ہوا اور سرجیکل اسٹرائیک کو عالمی میڈیا نے کچھ دیر بعد ہی جعلی قرار دیا تھا۔

یورپین جریدے کا کہنا تھا کہ پاکستانی حکومت اور آئی ایس پی آر نے غیرجانبدار رہ کر حقائق بیان کیے، آئی ایس پی آر اور میڈیا سے سامنے آنے والے حقائق زیادہ قابل اعتماد تھے۔

رپورٹ میں بتایا گیا پاک، بھارت جنگ میں پاکستان نےدو بھارتی طیارے ہی نہیں گرائےبلکہ  جھوٹے بھارتی جانبدارانہ بیانیے کو بھی تباہ کردیا۔

مزید پڑھیں: بالاکوٹ حملہ ،برطانوی نیوزا یجنسی نے بھارتی دعویٰ جھوٹ قرار دے دیا

یاد رہےبرطانوی نشریاتی ادارے کی رپورٹ میں عالمی اداروں نے بھارت کی فضائی کارروائی کے اقدام کوناکام قرار دیا تھا۔

رپورٹ میں کہا گیا  تھا عالمی ایجنیسیوں کی سیٹلائٹ تصاویر میں ظاہر ہے ایئر اسٹرائیک نشانے پر نہیں اور پاکستان کی 24 گھنٹے کے اندر جوابی کارروائی نے بھارت کے اقدام پر سوال اٹھا دئیے ہیں۔

برطانوی نشریاتی ادارے کی رپورٹ کے مطابق پاکستان نے بھارت کا مگ 21گرایا اور پائلٹ کوگرفتار کیا، جسے بعد میں رہاکیاگیا، دفاعی ماہرین مگ 21 طیاروں کو بھارتی آسمان کا تابوت کہتےہیں، سیکورٹی اعتبار سے بھارت کا اقدام بحث طلب ہے۔

واضح رہے بھارت کی حکمراں جماعت، فوجی ترجمان اور چیلنز نے بالا کوٹ حملے کو کامیاب قرار دیتے ہوئے دعویٰ کیا تھا کہ فضائیہ کی کارروائی میں 300 سے 350 سے افراد مارے گئے۔جبکہ حقیقت میں فیول ٹینک کے دھماکے سے درخت تباہ ہوئے تھے۔

fb-share-icon0
Tweet 20

Comments

comments

یہ بھی پڑھیں