The news is by your side.

Advertisement

ریاض میں پاکستانی سفارتحانے کا پاسپورٹ فیس میں زبردست کمی کا اعلان

ریاض : ریاض میں پاکستانی سفارتحانے نے پاسپورٹ فیس میں زبردست کمی اعلان کردیا ، 5سال کے لیے نارمل پاسپورٹ کی فیس 98 ریال جبکہ ارجنٹ پاسپورٹ کی فیس 162 ریال کردی گئی۔

تفصیلات کے مطابق سعودی عرب میں مقیم پاکستانیوں کے لیے ایک اور خوشخبری آگئی ، ریاض میں پاکستانی سفارتحانےکی طرف سے پاسپورٹ فیس میں زبردست کمی کردی۔

پاکستانی سفارتحانے کے مطابق 5 سال کے لیےنارمل پاسپورٹ کی فیس135سےکم کرکے98ریال اور ارجنٹ پاسپورٹ کی فیس 225 سےکم کرکے162ریال کردی گئی ہے۔

یاد رہےدو روز قبل سعودی حکومت نے پاکستانیوں کے لیے ویزا فیس میں کمی کا اعلان کیا تھا،  سنگل انٹری فیس 338 ریال جبکہ ملٹی پل ویزا فیس 675 ریال کردی گئی ہے، دوسری جانب پاکستانی شہریوں نے بھی سعودی شہریوں اور تاجروں کے لیے ویزا فیس میں کمی کردی ہے، اس فیصلے کا اطلاق پہلے ہی کیا جاچکا ہے۔

مزید پڑھیں  : سعودی عرب نے پاکستانیوں کے لیے ویزا فیس میں کمی کا اعلان کردیا

پاکستان نے سعودی شہریوں کے لیے سنگل انٹری فیس 270 ریال جبکہ ملٹی پل ویزا فیس 540 ریال کردی ہے، اسی طرح بزنس سنگل انٹری ویزا فیس 405 ریال جبکہ ملٹی پل بزنس ویزا فیس 810 ریال ہے۔

یاد رہے گذشتہ روز سعودی ولی عہد شہزادہ محمدبن سلمان اسلام آباد پہنچے ، وزیراعظم ، آرمی چیف اور اراکین نے ان کا استقبال کیا ، جس کے بعد وزیراعظم ہاؤس میں وزیر اعظم عمران خان اورولی عہد کی ون آن ون ملاقات ہوئی ، جس میں باہمی تعلقات کونئی بلندیوں پرلےجانےکاعزم کیاگیا اور دونوں ملکوں کےدرمیان سات تاریخی معاہدوں پر دستخط کیےگئے تھے۔

خِیال رہے سعودی عرب کی جانب کی گئی سرمایہ کاری تین مختلف مراحل میں پاکستان آئے گی، حکومت کی جانب سے جاری انوسٹمنٹ پلان کے مطابق سرمایہ کاری کے تین مراحل میں قلیل، وسط اور طویل المدتی منصوبے شامل ہیں۔

Comments

comments

یہ بھی پڑھیں