لندن : انگلینڈ کرکٹ بورڈ نے کرکٹ کی بحالی سے متعلق کہا کہ انگلینڈ میں کرکٹ محفوظ ہے، پاکستان اور انگلینڈ کے درمیان میچز مانچسٹر اور ساؤتھ ہمپٹن گراؤنڈ میں ہوں گے۔
غیر ملکی خبر رساں ادارے کی رپورٹ کے مطابق کرونا کی وبا نے دیگر سرگرمیوں کے ساتھ کھیلوں کو بھی متاثر کیا ہے جس کے باعث دنیا بھر میں ہونے والے کرکٹ اور فٹبال کے میچز منسوخ اور ملتوی کردئیے گئے تھے تاہم وائرس کی شدت میں کمی بعد کرکٹ میچز کو دوبارہ بحال کرنے کا مطالبہ زور پکڑتا جارہا ہے۔
انگلینڈ کرکٹ بورڈ کی جانب سے کرکٹ سرگرمیوں کو بحال کرنے کےلیے گزشتہ ایک ہفتے سے حکومت سے مذاکرات جاری ہیں اور کرکٹ نے ملک بھر میں کلبز کو بھی کرکٹ کی بحالی کا عندیہ دے دیا تھا تاہم وزیر اعظم بورس جانسن نے کرکٹ بحال کرنے سے منع کردیا ہے۔
جس پر انگلینڈ کرکٹ بورڈ کا کہنا ہے کہ انگلینڈ میں کرکٹ محفوظ ہے، 3 جون سے 23 جون تک 702 ٹیسٹ کیے گئے۔
ای سی بی کا کہنا ہے کہ کھلاڑیوں، گراؤنڈ اسٹاف، ہوٹل ملازمین کے ٹیسٹ ہوئے اور تمام 702 ٹیسٹ منفی آئے۔
ذرائع کے مطابق انگلینڈ کرکٹ بورڈ مانچسٹر اور ساؤتھ ہمپٹن دونوں گراؤنڈ محفوظ ہیں، پاکستان اور انگلینڈ کے درمیان میچز مانچسٹر اور ساؤتھ ہمپٹن گراؤنڈ میں ہوں گے۔
کرکٹ بال سے کرونا پھیل سکتا ہے، بورس جانسن نے کرکٹ بحالی منسوخ کردی
واضح رہے کہ برطانوی وزیر اعظم بورس جانسن کا کہنا تھا کہ کرکٹ میچز کھولنے کی اجازت ابھی نہیں دے سکتے کیونکہ کرکٹ بال کے ذریعے بھی کرونا وائرس پھیل سکتا ہے۔
