site
stats
اہم ترین

غیر منصفانہ آپریشن پر پاکستان کو عالمی میڈیا کی تنقید کا سامنا ہے، ندیم نصرت

لندن : متحدہ قومی موومنٹ کے رہنما ندیم نصرت نے کہا ہے کہ کراچی آپریشن صرف ایم کیو ایم کے خلاف کیا جارہا ہے، اگر ایم کیو ایم کی جگہ دوسری جماعت ہوتی تو اب تک ٹوٹ چکی ہوتی۔

لندن سے بذریعہ ویڈیو لنک بات کرتے ہوئے ندیم نصرت نے کہا کہ جمہوری ادوار میں ووٹ کی طاقت کو تسلیم کیا جاتا ہے، عوام نے ہمیشہ ایم کیو ایم پر اعتماد کا اظہار کیا مگر کچھ لوگ مہاجروں کو ملک دشمن بنانے پر تلے ہوئے ہیں۔

انہوں نے مزید کہا کہ ٹارگٹڈ آپریشن میں مسلسل ایم کیو ایم کو ٹارگٹ کیا جارہا ہے، کارکنان کو گرفتار کر کے جھوٹے مقدمات میں پھنسایا جارہا ہے۔

ان کا کہنا تھا کہ ہم پر امن طریقے سے اپنے مطالبات پیش کررہے ہیں ہمیں مسلسل غیر جمہوری طریقوں کا نشانہ بنایا جارہا ہے، سندھ کے مختلف علاقوں کو ایم کیو ایم کے کارکنان کے لیے نوگو ایریا بنایا جارہا ہے۔

متحدہ قومی موومنٹ کے کنونیر نے کہا کہ غیر منصفانہ آپریشن کے باعث پاکستان کو انٹرنیشنل میڈیا میں کڑی تنقید کا نشانہ بنایا جارہا ہے، جس کی وجہ سے پاکستان اپنے دوست ممالک سے محروم ہوتا جارہا ہے اور عالمی میڈیا میں یہ باتیں کی جارہی ہیں کہ پاکستان سفارتی طور پر تنہا ہوچکا ہے۔

انہوں نے کہا کہ اس کی واضح مثال پاکستان اور انڈیا کے وزرائے اعظم کے استقبال کی ہے، دوسری جانب عرب ممالک کا جھکاؤ بھی انڈیا کی طرف ہورہا ہے۔

ندیم نصرت نے کہا کہ ایم کیو ایم کو دیوار سے لگانے کا اس عمل میں پاکستان کو نقصان کا سامنا کرنا پڑ سکتا ہے، پاکستان کے استحکام کے لیے اسٹیبلشمنٹ کو اپنی آنکھیں کھولنی ہوں گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top