پاکستان کو بیرونی ادائیگیوں پر دباؤ کا سامنا ہے، موڈیز moodys
The news is by your side.

Advertisement

پاکستان کو بیرونی ادائیگیوں پر دباؤ کا سامنا ہے، موڈیز

نیویارک: موڈیز کی جانب سے جاری کردہ رپورٹ میں کہا گیا ہے کہ پاکستان کو بیرونی ادائیگیوں پر دباؤ کا سامنا ہے، جاری کھاتوں کا خسارہ جی ڈی پی کے 4 اعشاریہ 8 فیصد رہنے کا خدشہ ہے۔

تفصیلات کے مطابق عالمی ریٹنگ کے ادارے موڈیز نے پاکستان سے متعلق رپورٹ پر تبصرہ کرتے ہوئے کہا ہے کہ درآمدی اشیاء کی مانگ میں مسلسل اضافہ ہورہا ہے، سی پیک کے باعث درآمدات میں اضافہ ہورہا ہے۔

موڈیز کے مطابق زرمبادلہ کے ذخائر بیرونی ادائیگیوں کے لیے اس وقت کافی ہیں، پاکستان کو رقم کی بہت ضرورت ہے، زرمبادلہ کے ذخائر میں اضافہ آئی ایم ایف ودیگر ذرائع سے ممکن ہے۔

موڈیز نے کہا ہے کہ زرمبادلہ کے ذخائر میں مزید کمی ہوسکتی ہے، حکومت پر ایک تہائی بیرونی قرضوں کا بوجھ ہے، موجودہ صورت حال میں مالی خسارہ مزید بڑھے گا۔

موڈیز کے مطابق روپے کی قدر میں کمی مہنگائی میں اضافہ کرے گی، قرضوں کی لاگت میں اضافے کا رجحان جاری ہے، بیرونی قرضوں کی ادائیگیاں مزید مشکل ہوجائیں گی۔

Comments

comments

یہ بھی پڑھیں