site
stats
اہم ترین

پاکستانی عوام کو اپنی فوج پر فخر ہے، دفترخارجہ

اسلام آباد: ترجمان دفترخارجہ نے میڈیا بریفنگ میں واضع کیا ہے کہ سول اورملٹری قیادت میں ہم آہنگی ہے، پاکستانی عوام کواپنی فوج پرفخر ہے، بھارت سے ممبئی حملوں کے مزید ثبوت مانگے ہیں۔

پاکستان نے بھارتی وزیراعظم کے بیان پر رد عمل دیتے ہوئے کہا کہ سول اور ملٹری قیادت میں مکمل ہم آہنگی ہے، پاکستانی عوام کو اپنی فوج پر فخر ہے، مسلح افواج جمہوری عمل کی حامی ہیں۔

ترجمان دفترخارجہ نفیس زکریا نے میڈیا بریفنگ میں بتایا کہ بھارت سے ممبئی حملوں کے مزید ثبوت بھی مانگ لئے ہیں، کیس کو جلد منطقی انجام تک پہنچانا چاہتے ہیں، بھارت کو خط لکھ دیا ہے لیکن ابھی تک کوئی جواب نہیں آیا۔

ایف سولہ طیاروں سے متعلق ان کا کہنا تھا کہ پاک امریکا تعلقات کو صرف ایف سولہ کے تناظر میں نہیں دیکھنا چاہئیے، امریکی سینیٹر جان میکین جلد پاکستان آئیں گے۔

انھوں نے کہا کہ پاکستان نیوکلئیر سپلائرز کی رکنیت کی صلاحیت رکھتا ہے، این ایس جی اجلاس میں ہمارے مؤقف کی توثیق کی گئی، افغان مہاجرین کے حوالے سے ترجمان دفترخارجہ نے کہا کہ مہاجرین کی واپسی کی ڈیڈلائن میں تیس دسمبر تک توسیع کر دی گئی ہے۔

اس سے قبل بھارتی وزیراعظم نریندرمودی کے بیان پر ردِعمل میں سرتاج عزیز نے کہا کہ پاکستان مسائل کے حل کے لئے بھارت سے مذاکرات کا خواہشمند ہےلیکن بھارت مذاکرات سے گریز کررہا ہے، دونوں ملکوں کے درمیان مذاکرات کے لئے جامع طریقہ کارموجود ہے، جو عوامی رابطوں، ماہی گیروں کے مسائل، تجارت، معاشی تعاون، کشمیر، سیاچن اور سر کریک پر مشتمل ہے، سیاچن پر گذشتہ مذاکرات میں معاہدہ طے پاگیا تھا، جسے بھارتی فوج نے مسترد کردیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top