کراچی: اسٹیٹ بینک کاکہناہےکہ پاکستان کے زرمبادلہ کے ذخائر میں کمی کےبعد زرمبادلہ کے ذخائر21ارب 82کروڑ 26لاکھ ڈالرہوگئے۔

تفصیلات کےمطابق اسٹیٹ بینک آف پاکستان کی جانب سے جاری کیے گئے اعداد و شمار کے مطابق پاکستان کے زر مبادلہ کے ذخائر میں 17 کروڑ 17 لاکھ ڈالر کمی ریکارڈ کی گئی۔

اسٹیٹ بینک کاکہناہےکہ 24 فروری 2017 کو ختم ہونے والے ہفتے تک پاکستان میں زر مبادلہ کے ذخائر 21 ارب 82 کروڑ 26 لاکھ ڈالر تھے۔

پاکستان کے زرمبادلہ میں کمی کےحوالے سے24 فروی تک کے اعداد و شمار کے مطابق اسٹیٹ بینک کےپاس16 ارب 85 کروڑ 8 لاکھ ڈالر جبکہ کمرشل بینکوں کے پاس 4 ارب 97 کروڑ 18 لاکھ ڈالر موجود ہیں۔

مزید پڑھیں:ملکی زرمبادلہ کے ذخائر تاریخ کی بلندترین سطح پر پہنچ گئے

واضح رہے کہ گزشتہ سال جولائی میں پاکستان کے غیر ملکی زر مبادلہ کے ذخائر 23 ارب 8 کروڑ 49 لاکھ ڈالر کی سطح پر پہنچ گئے تھےتاہم اب اس میں کمی ہورہی ہے۔