کراچی: پاکستان کے بیرونی کھاتے دباؤ کا شکار ہوگئے۔ زرمبادلہ ذخائر میں کمی اور تجارتی خسارے میں مسلسل اضافہ ریکارڈ کیا جارہا ہے۔
تفصیلات کے مطابق اسٹیٹ بینک نے ملکی زرمبادلہ کے حوالے سے رپورٹ جاری کردی۔
رپورٹ کے مطابق ملکی زرمبادلہ ذخائر میں 2 فیصد کی کمی ریکارڈ کی گئی۔ زرمبادلہ ذخائر کا حجم 22.03 ارب ڈالر ہوگیا۔
اس کے ساتھ ملکی برآمدات مسلسل کمی کا شکار ہیں۔ تجارتی خسارہ 17 ارب 42 کروڑ ڈالر پر جا پہنچا ہے۔ جولائی تا جنوری کے دوران 3.2 فیصد کمی کے ساتھ برآمدات کی مالیت 11 ارب 17 کروڑ ڈالر رہی۔
اس کے بر عکس درآمدات 13.7 فیصد اضافے کے ساتھ 29 ارب 10 کروڑ رہیں۔ اعداد و شمار کے مطابق گزشتہ سال کے مقابلے میں درآمدی بل ساڑھے 3 ارب ڈالر زائد رہا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں