اسلام آباد: پاکستان اور جرمنی کے درمیان لوکل گورننس کی سپورٹ کا معاہدے طے پاگیا۔
تفصیلات کے مطابق پاکستان اور جرمنی کے درمیان لوکل گورننس کی سپورٹ کے معاہدے پر دستخط کرلیے گئے ہیں، جرمنی لوکل گورننس سپورٹ کے لیے 3 اعشاریہ 9 ارب روپے دے گا۔
معاہدے پر سیکریٹری اقتصادی امور نور احمد، جرمن سفیر نے دستخط کیے، وفاقی وزیر اقتصادی امور حماد اظہر بھی اس موقع پر موجود تھے۔
لوکل گورننس کی سپورٹ کے تحت ملنے کی رقم سوشل پروٹیکشن، فنی تعلیم، لیبر، سوشل اسٹینڈرڈز بہتر بنانے پر خرچ ہوگی۔
رپورٹ کے مطابق ان شعبوں میں جاری منصوبوں کے عام آدمی کی زندگی پرمثبت اثرات مرتب ہوں گے، تکنیکی تعاون سے پاکستان کی ٹیکسٹائل انڈسسٹری میں لیبر، سماجی معیار بہتر بنایا جائے گا۔
مزید پڑھیں: جرمنی اور پاکستان باہمی تجارتی سرگرمیوں کے لیے تیار
واضح رہے کہ رواں سال جنوری میں جرمن قونصل جنرل وولفرتھ نے کہا تھا کہ جرمنی اور پاکستان تجارتی شعبوں میں باہمی سرگرمیوں کے لیے تیار ہیں۔
جرمن قونصل کا کہنا تھا کہ اسٹاک مارکیٹ کا معیشت میں اہم کردار ہے، مارکیٹ میں سرمایہ کاری کا آنا سود مند ہے۔
ان کا مزید کہنا تھا کہ پاکستان چیمبر آف کامرس بھی جرمنی کی طرز عمل پر کام کررہا ہے، پاکستان کے نوجوانوں کو آگے آنے کی ضرورت ہے ملک کے استحکام کے لیے نوجوان نسل بہترین کردار ادا کرتی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں