اسلام آباد : چین، سعودی عرب اور متحدہ عرب امارات نے پاکستانی قرضے ایک سال کیلئے رول اوور کرنے کا وعدہ کرلیا۔
تفصیلات کے مطابق چین، سعودی عرب اورمتحدہ عرب امارات نے پاکستانی قرضے کو رول اوور کرنے کی یقین دہانی کرادی۔
بلومبرگ نیوز ایجنسی نے بتایا کہ دوست ممالک پاکستان کے قرض کو ایک سال کیلئے رول اوور کریں گے تاہم پاکستان آئی ایم ایف کے ساتھ سات بلین ڈالر کے قرض پروگرام کی حتمی منظوری کا منتظر ہے۔
آئی ایم ایف نے پاکستان کو دوست ممالک سے قرضوں کو رول اوور کرانے کی یقین دہانی کرانے کو کہا تھا۔
وزیر خزانہ اورنگزیب خان نے پارلیمانی کمیٹی کے بعد صحافیوں کو بتایا تھا کہ رول اوور کا حجم پچھلے سال جیسا ہی ہو گا، پاکستان اور آئی ایم ایف نے بارہ جولائی کو سینتیس ماہ کے قرض پروگرام کے لیے معاہدہ کیا ہے، جس سے حکومت فنڈ کے تین سالہ پروگرام کے دوران زیادہ سے زیادہ پانچ بلین ڈالر کے فنانسنگ گیپ کوپورا کرے گی۔
