آئی سی سی رینکنگ: سرفراز الیون ٹی ٹوینٹی کی چمیئن قرار icc t20 ranking
The news is by your side.

Advertisement

آئی سی سی رینکنگ: سرفراز الیون ٹی ٹوینٹی میں سرفہرست

دبئی: انٹرنیشنل کرکٹ کونسل (آئی سی سی) نے ٹی ٹوئنٹی میچوں کی عالمی رینکنگ جاری کردی جس کے مطابق قومی کرکٹ ٹیم اول نمبر پر جگہ بنانے میں کامیاب رہی۔

تفصیلات کے مطابق نیوزی لینڈ اور پاکستان کے مابین ہونے والے سیریز کے تیسرے اور آخری فیصلہ کن میچ میں سرفراز الیون کی فتح کے بعد آئی سی سی نے ٹی ٹوئنٹی رینکنگ جاری کی۔

آئی سی سی رینکنگ کے مطابق پاکستان 126 پوائنٹس کے ساتھ پہلی جبکہ کیویز کی ٹیم 123 پوائنٹس کے ساتھ دوسرے نمبر پر آئی۔

مزید پڑھیں: تیسراٹی ٹوئنٹی: پاکستان نےنیوزی لینڈ کوشکست دےکرسیریزجیت لی

انٹرنیشنل کرکٹ کونسل کی فہرست کے مطابق بھارت تیسرے، انگلینڈ چوتھے جبکہ ون ڈیز (ویسٹ انڈیز) کی ٹیم پانچویں اور جنوبی افریقا چھٹے جبکہ آسٹریلیا کی ٹیم ساتویں نمبر پر جگہ بنا سکی۔

رینکنگ کے حساب سے سری لنکا 8 ویں، افغانستان نویں اور بنگلہ دیش کی ٹیم دسواں نمبر حاصل کر سکی۔

واضح رہے کہ سرفراز الیون نے تیسرے اور آخری ٹی ٹوینٹی میچ میں نیوزی لینڈ کی ٹیم کو 18 رنز سے شکست دے کر فتح اور سیریز اپنے نام کی جس کے بعد قومی ٹیم نے عالمی فہرست میں پہلا نمبر حاصل کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں