دبئی: پاکستان سے سیمی فائنل میچ سے قبل آسٹریلوی کرکٹ ٹیم کے کوچ جسٹن لینگر کا اہم بیان سامنے آگیا۔
تفصیلات کے مطابق آسٹریلوی کرکٹ ٹیم کے کوچ جسٹن لینگر کا کہنا ہے کہ پاکستان ٹیم بہت متوازن ہے، پاکستان کو ہرانے کے لیے بہترین کرکٹ کھیلنی ہوگی۔
جسٹن لینگر نے کہا کہ پاکستان ٹیم میں بابر اعظم جیسے سپر اسٹار موجود ہیں۔
انہوں نے کہا کہ پاکستان کے کوچ اور ساتھی سابق کھلاڑی میتھیو ہیڈن سے بہت اچھی دوستی ہے، دوستی ایک طرف کرکے سیمی فائنل میں جیت کے لیے اتریں گے۔
مزید پڑھیں: آسٹریلیا کے دورہ پاکستان کا شیڈول جاری
جسٹن لینگر نے مزید کہا کہ سیمی فائنل میں دونوں ٹیموں کے درمیان اچھا مقابلہ دیکھنے کو ملے گا۔
خیال رہے کہ آسٹریلیا کی ٹیم تیئس سال بعد پاکستان کا دورہ کرے گی، پاکستان کرکٹ بورڈ نے شیڈول جاری کردیا، مہمان ٹیم آئندہ سال مارچ اپریل میں پاکستان کا دورہ کرے گی، دورہ تین ٹیسٹ، تین ون ڈے اور ایک ٹی ٹوئنٹی پر مشتمل ہے۔
پہلا ٹیسٹ تین مارچ سے کراچی میں شروع ہوگا، سیریز کے چاروں وائٹ بال میچز لاہور میں ہوں گے۔
