پاکستان کا اچھا وقت آگیا، والدین بچوں کو تعلیم دلوائیں، سعد رفیق Saad Rafique
The news is by your side.

Advertisement

پاکستان کا اچھا وقت آگیا، والدین بچوں کو تعلیم دلوائیں، سعد رفیق

لاہور: وفاقی وزیر ریلوے خواجہ سعد رفیق نے کہا ہے کہ ملک میں خوشحاتی باتیں کرنے یا گالیاں دینے سے نہیں آتی، ایک شخص گالیاں دے کر عدالت اور اداروں کو دباؤ میں لانا چاہتا ہے، پاکستان کا اچھا وقت آگیا ہے۔

لاہور میں تقریب سے خطاب کرتے ہوئے خواجہ سعد رفیق نے کہا کہ خوشحالی اور ترقی میں وقت لگتا ہے اگر یہ فوری آجائے تو اس کے پیچھے گڑ بڑ ضرور ہوتی ہے، ملکی خوشحالی باتیں کرنے یا گالیاں دینے سے نہیں آتی۔

انہوں نے کہا کہ سی پیک عظیم منصوبہ ہم لے کر آئے ہیں، مسلم لیگ ن عوام کی خدمت کے لیے منصوبوں کی تکمیل میں مصروف ہے،غربت اور مظلومی میں کئی سال گزارے اب پاکستان کا اچھا وقت آرہا ہے۔

خواجہ سعد رفیق نے کہا کہ والدین اپنے بچوں کی تعلیم و تربیت پر بھرپور توجہ دیں، بچوں کو اچھی تعلیم و تربیت دے کر ہی معاشرے کو محفوظ اور ملک کو ترقی دی جاسکتی ہے۔

وفاقی وزیر ریلوے نے کہا کہ ملکی تبدیلی الزامات لگانے سے نہیں آئے گی، گالیاں دینے والوں کو ملکی ترقی ہضم نہیں ہورہی ایسے لوگ اداروں اور عدالتوں پر دباؤ ڈال کر اپنی مرضی کے فیصلے کروانا چاہتے ہیں جو بہت افسوس کی بات ہے۔

Comments

comments

یہ بھی پڑھیں