پاکستان میں بھارتی قیدیوں کی فہرست بھارتی ہائی کمیشن کے حوالے -
The news is by your side.

Advertisement

پاکستان میں بھارتی قیدیوں کی فہرست بھارتی ہائی کمیشن کے حوالے

اسلام آباد: پاکستان اور بھارت کے درمیان قیدیوں کی فہرست کا تبادلہ کیا گیا ہے۔ پاکستان نے 76 بھارتی قیدیوں کو رہا کرنے کا بھی فیصلہ کیا ہے۔

تفصیلات کے مطابق ترجمان دفتر خارجہ نفیس زکریا کا کہنا ہے کہ قیدیوں کی فہرست بھارتی ہائی کمیشن کے حوالے کر دی گئی ہے۔

ان کے مطابق اس وقت پاکستانی جیلوں میں 546 بھارتی شہری قید ہیں جن میں 52 عام شہری اور 494 ماہی گیر شامل ہیں۔

ترجمان دفتر خارجہ کے مطابق پاکستان 10 جولائی کو 78 بھارتی ماہی گیر رہا کر کے واپس بھجوائے گا۔ رہائی پانے والوں میں 77 ماہی گیر اور ایک عام شہری شامل ہے۔

نفیس زکریا نے مزید بتایا کہ اس سے قبل 6 جنوری کو 219 بھارتی ماہی گیروں کو رہا کیا گیا تھا۔

یاد رہے کہ 2008 کے قونصلر رسائی معاہدے کے تحت سال میں 2 مرتبہ یکم جنوری اور یکم جولائی کو پاکستان اور بھارت کے درمیان قیدیوں کی فہرستوں کا تبادلہ کیا جاتا ہے۔ بھارت بھی پاکستانی قیدیوں کی فہرست نئی دہلی میں پاکستانی ہائی کمیشن کو فراہم کرے گا۔


Comments

comments

یہ بھی پڑھیں