پاکستان عالمی امن مشنز میں کردار ادا کرتا رہے گا، شاہ محمود قریشی shah-mehmood-qureshi
The news is by your side.

Advertisement

پاکستان عالمی امن مشنز میں کردار ادا کرتا رہے گا، شاہ محمود قریشی

نیویارک : شاہ محمود قریشی نے ’ایکشن فارپیس کیپنگ‘ اجلاس میں کہا ہے کہ قیام امن کے لئے وسیع چیلنجز کا سامنا ہے، پاکستان قیام امن کے لئے کوششوں کو جدید بنانے کا حامی ہے۔

ان خیالات کا اظہاروزیر خارجہ شاہ محمود قریشی نے اقوام متحدہ میں’’ایکشن فارپیس کیپنگ‘‘اجلاس سے خطاب کرتے ہوئے کیا، ان کا کہنا تھا کہ دنیا بھرمیں تنازعات کی نوعیت بدل رہی ہے، قیام امن کے لئے وسیع چیلنجز کا سامنا ہے۔

وزیر خارجہ شاہ محمود قریشی نے اپنے خطاب میں کہا کہ پاکستان نےہمیشہ قیام امن کے لئے کوششوں کی حمایت کی، پاکستان قیام امن کے لئے کوششوں کو جدید بنانے کا حامی ہے، پاکستان امن مشنز میں سب سے زیادہ فوجی فراہم کرنے والا ملک ہے۔

شاہ محمود قریشی کا کہنا تھا کہ پاکستان 60 کی دہائی سے دنیا بھر میں امن مشنز میں حصہ لے رہا ہے، 46 امن مشنز میں پاکستانی فوجی افسران و جوان شریک رہے، 2 لاکھ سے زائد پاکستانی فوجی امن مشنز میں حصہ لے چکے ہیں۔

انہوں نے ’ایکشن فارپیس کیپنگ‘ اجلاس کے دوران کہا کہ 156 پاکستانی افسران و جوان امن مشنزمیں جانیں قربان کر چکے ہیں، پاکستان عالمی امن مشنز میں کردار ادا کرتا رہے گا۔

وزیر خارجہ نے کہا کہ امن مشنز کی کامیابی کے لئے تمام شراکت دار کردار ادا کریں، امن مشنز کی صلاحیت کو بڑھانے کے لئے کوششوں کا ساتھ دیں گے۔

Comments

comments

یہ بھی پڑھیں