پاکستان نے اپنی خارجہ پالیسی تبدیل کی ہے، نواز شریف -
The news is by your side.

Advertisement

پاکستان نے اپنی خارجہ پالیسی تبدیل کی ہے، نواز شریف

لندن: وزیراعظم نوازشریف کا کہنا ہے کہ خارجہ پالیسی میں تبدیلی لائے ہیں جس کے اچھے نتائج نکلیں گے۔

لندن میں ایک روزہ قیام کے دوران صحافیوں سے گفتگو کرتے ہوئے وزیراعظم نے کہا کہ افغانستان کےساتھ مل کرخطےمیں امن کیلئےکوششیں کررہے ہیں۔

وزیراعظم نواز شریف کا کہناتھا کہ پاکستان ایک ذمہ دارملک ہے اورخطے میں بدامنی نہیں چاہتا۔

انہوں نے یہ بھی کہا کہ پاکستان اورافغانستان نےدہشت گردی کے خلاف مل کرلڑنے کاعہد کر رکھا ہے۔

اس موقع پر وزیراعظم نے پاک بھارت کشیدگی کے حوالے سے کہا کہ پاکستان ایک امن پسند ملک ہے اوربھارت کے ساتھ بھی برابری کی سطح پراچھے تعلقات چاہتے ہیں۔

وزیراعظم نے کہا کہ مسئلہ کشمیر کا حل ضروری ہے اس لیے پاکستان چاہتا ہے کہ بھارت سے مسئلہ کشمیر سمیت تمام مسائل کے حل پر ٹھوس بات چیت ہو جتنی تیزی سے مسئلہ کشمیر حل کریں گے اتنی تیزی سے ہی دونوں ممالک ترقی کی راہ پر گامزن ہوں گے لہذا مسئلہ کشمیر کو ہر فورم پر اٹھایا جائے گا۔

وزیراعظم نے کہا کہ آپریشن ضرب عضب کامیابی سے جاری ہے جس کے نتائج دنیا کے سامنے ہیں

انہوں نے پاکستان کی معاشی ترقی پر تبصرہ کرتے ہوئے کہا کہ دھرنوں نے پاکستان کی ترقی کا راستہ روکا۔

وزیراعظم نوازشریف اقوام متحدہ کے 70 ویں اجلاس میں شرکت کے لئے نیویارک جارہے ہیں جہاں وہ دنیا بھر کے سربراہان سے خطاب کریں گے۔

Comments

comments

یہ بھی پڑھیں