بھارت میں پاکستانی ہائی کمشنر کو کانفرنس میں شرکت سے روک دیا گیا

نئی دلی: بھارت ایک بار پھرپاکستان دشمنی میں سفارتی آداب بھول گیا، پاکستانی ہائی کمشنر عبدالباسط کو ناگپور میں اقوام متحدہ کے تحت ہونے والی تقریب میں شرکت سے روک دیا گیا۔

بھارتی میڈیا کے مطابق پاکستانی ہائی کمشنر عبدالباسط کو اقوام متحدہ کی ایک تقریب میں شرکت سے روک دیا، آرگنائزرز نے عبدالباسط کو مدعو کرنے کے بعد عین وقت پر معذرت کرلی، پاکستانی ہائی کمشنر کا دعوت نامہ سیاسی وجویات کی بناء پر منسوخ کیا گیا ہے۔

واضح رہے کہ پاکستانی ہائی کمشنر کو کسی تقریب میں جانے سے روکنے کا یہ چوتھا واقعہ ہے۔

اس سے قبل پاکستانی ہائی کمشنر عبدالباسط کو نئی دہلی کے راشٹر پتی بھون میں ہونیوالی کتاب کی تقریب رونمائی میں شرکت سے روک دیا گیا۔

Comments