اسلام آباد (20 اکتوبر 2025): وفاقی حکومت نے قومی ہاکی کھلاڑیوں کو کی حوصلہ افزائی کے لیے انہیں بڑے انعامات دینے کا فیصلہ کیا ہے۔
اے آر وائی نیوز کو ذرائع سے ملنے والی اطلاعات کے مطابق وفاقی حکومت کی جانب سے قومی ہاکی کھلاڑیوں کی حوصلہ افزائی کے لیے ان کے اعزاز میں خصوصی تقریب منعقد کرنے کا فیصلہ کیا گیا ہے۔
ذرائع نے بتایا کہ اس تقریب میں حکومت کی جانب سے ہر کھلاڑی کو دس، دس لاکھ روپے اور بے روزگار کھلاڑیوں کو سرکاری محکموں میں ملازمتیں دی جائیں گی۔
واضح رہے کہ قومی ہاکی ٹیم نے حال ہی میں نیشنز کپ میں دوسری پوزیشن حاصل کی تھی اور پاکستان پہلی بار ایف آئی ایچ او پرو ہاکی لیگ کے لیے کوالیفائی کرنے میں کامیاب ہوا تھا۔
پاکستان ہاکی ٹیم کو پی ایس بی کا ’’سرپرائز‘‘ چیک، مالیت دیکھ کر کھلاڑی بھی حیران
اے آر وائی نیوز کی ڈیجیٹل ڈیسک کی جانب سے شائع کی گئی خبریں