The news is by your side.

Advertisement

پاکستان ہاکی ٹیم کے ٹوکیو اولپمکس میں شرکت کے امکانات ختم

کراچی: پاکستان ہاکی ٹیم کے ٹوکیو اولمپک گیمز میں شرکت کے امکانات ختم ہوگئے ہیں۔

تفصیلات کے مطابق پاکستان ہاکی کے لیے ایک بری خبر ہے کہ قومی ہاکی ٹیم کے 2020 میں ہونے والے ٹوکیو اولمپکس میں شریک ہونے کے امکانات معدوم ہوگئے ہیں۔

سابق اولمپک چیمپئن پاکستان ٹیم کو انٹرنیشنل ہاکی فیڈریشن نے فرانس میں ہونے والے پری کوالیفائنگ راؤنڈ میں شامل نہیں کیا۔

پاکستان ہاکی فیڈریشن کا پرو ہاکی لیگ میں شرکت نہ کرنے کا فیصلہ مہنگا ثابت ہوا اور آئی ایچ ایف نے کوالیفائنگ راؤنڈ سے بھی باہر کردیا۔

مزید پڑھیں: فنڈز کی کمی، قومی ہاکی ٹیم کا پرو لیگ سے دست برداری پر غور

پرو لیگ میں عدم شرکت پر ایف آئی ایچ نے 25 ملین کا جرمانہ بھی کیا تھا، پری کوالیفائنگ راؤنڈ 15 جون سے شروع ہوں گے۔

دوسری جانب صدر پی ایچ ایف آصف باجوہ کا کہنا ہے کہ کوشش کریں گے کہ پاکستان ٹوکیو اولمپکس کے پری کوالیفائنگ راؤنڈ کھیلے۔

انہوں نے کہا کہ اس سلسلے میں آئی ایچ یف کو خط لکھ رہے ہیں کہ اگر پاکستان کے لیے کوئی جگہ بنتی ہے تو موقع دیا جائے۔

آصف باجوہ نے کہا کہ جو کچھ ہوا ناقص پلاننگ کے سبب ہوا، ذاتی طور پر اسلام آباد جاکر حکومتی شخصیات کے سامنے اس مسئلے کو اُٹھاؤں گا۔

Comments

comments

یہ بھی پڑھیں