The news is by your side.

Advertisement

پاکستان اور آئی ایم ایف کےدرمیان مذاکرات

کراچی : عالمی مالیاتی ادارے اورحکومت پاکستان کےدرمیان آج سےجائزہ مذاکرات کادور شروع ہوگا۔

تفصیلات کےمطابق آئی ایم ایف اور پاکستان حکومت کے درمیان دبئی میں آج مذاکرات کا دور کا آغاز ہوگا۔ان مذاکرات میں وزارت خزانہ اوردیگرحکام شریک ہوں گےجبکہ وزیر خزانہ مذاکرات کے آّخری دور میں شریک ہو ں گے۔

مذاکرات میں آئی ایم ایف کی جانب سے پاکستان کو دیے جانے والے قرض پروگرام کے تحت عائد کردہ شرائط پر عملدرآمدکاجائزہ لیاجائےگا۔

ذرائع کےمطابق پاکستان اور آئی ایم ایف کےدرمیان سرکاری اداروں کی نجکاری اورتوانائی شعبہ کےحوالے سےآئندہ کےلائحہ عمل پراتفاق کا امکان ہے۔


مزید پڑھیں: آئی ایم ایف کا دورہ پاکستان ملتوی


یاد رہےکہ گزشتہ ماہ پاکستان میں ہونے والےدہشت گردی کے واقعات کے باعث آئی ایم ایف نےاپنا دورہ پاکستان ملتوی کردیاتھا۔

اس سے قبل عالمی مالیاتی ادارے پاکستان سے ٹیکس نظام میں مبینہ کرپشن اورٹیکس چوری کے خاتمہ کےلیے اقدامات کی تفصیلات طلب کی تھیں۔

واضح رہےکہ عالمی مالیاتی ادارے اور پاکستان حکومت کےدرمیان مذاکرات پانچ اپریل تک جاری رہیں گےجس میں پاکستان کی اقتصادی کارکردگی کاجائزہ لیاجائےگا۔

Print Friendly, PDF & Email

Comments

comments

یہ بھی پڑھیں