The news is by your side.

Advertisement

‘امریکی انخلا کے بعد دہشتگردوں سے پاکستان کو خطرہ ہے’

سربراہ امریکی فوج سینٹرل کمانڈ جنرل کیتھ ایف میکنزی نے کہا ہے کہ امریکی فوج کے انخلا کے ‏بعد دہشت گردوں سے پاکستان کو خطرات لاحق ہو سکتے ہیں۔

بین الاقوامی میڈیا رپورٹس کے مطابق ایک بیان میں جنرل کیتھ ایف میکنزی نے کہا کہ امریکی فوج ‏کے جانے کے بعد افغانستان میں القاعدہ اور داعش کے دوبارہ فعال ہونے کا خدشہ ہے۔

جنرل میکنزی نے کہا کہ تنظیموں کی فعالی وسطی ایشیائی ریاستوں کیلئےباعث تشویش ہے ‏دیگرممالک بالخصوص پاکستان کیلئےبھی شدیدتشویش کاباعث ہے۔

ان کا کہنا تھا کہ طالبان نے یقین دلایا وہ افغان سرزمین استعمال نہیں ہونے دیں گے اگر طالبان ‏افغان حکومت کا حصہ بنے تو وعدے کی پاسداری کریں گے۔

جنرل میکنزی نے کہا کہ طالبان نےکبھی بھی اپنی کارروائیاں بند نہیں کیں، طالبان اب بھی افغان ‏فوج ،اہلکاروں پر حملے کر رہے ہیں، امریکی فوج کے انخلاکےدوران طالبان حملے نہ کریں دوران ‏انخلا اگر حملےکیے تو جوابی کارروائی کریں گے۔

Comments

یہ بھی پڑھیں