The news is by your side.

Advertisement

پاکستان غیرملکی سرمایہ کاروں کےلیے پرکشش ملک ہے، شیخ نہیان بن مبارک النہیان

لاہور: متحدہ عرب امارات کے وزیر تفافت شیخ نہان بن مبارک نے رائیونڈ میں وزیراعظم نواز شریف سے ملاقات کی اور صحت یابی پرانہیں مبارکباد دی۔

اماراتی وفد سے گفتگو کے دوران وزیراعظم نے کہا ملک کوصحیح سمت پرلانے کے لئے محنت کررہے ہیں،انہوں نے کہا دہشت گردی کے خاتمے کے لئے آپریشن ضرب عضب شروع کیا۔

میاں نواز شریف نے شیخ نہیان کو ملکی ترقی سے متعلق بتایا کہ اقتصادی راہداری پر کام جاری ہے یہ منصوبہ خطے کے کروڑوں عوام کی زندگی میں تبدیلی لائے گا، پاک چین اقتصادی راہداری سے پورے خطے کو فائدہ ہوگا۔

شیخ نہیان نے حکومتی کارکردگی کی تعریف کرتے ہوئے پاکستان کو غیرملکی سرمایہ کاروں کے لیے پرکشش ملک قرار دیا،انھوں نے کہا نوازشریف کی قیادت میں پاکستان نے گزشتہ تین سال میں نمایاں ترقی کی۔

اس موقع پر وزیراعلیٰ شہباز شریف کا کہنا تھا کہ پاکستان اورمتحدہ عرب امارات دوستی اور بھائی چارے کے لازوال تاریخی رشتوں میں بندھے ہوئےہیں،متحدہ عرب امارات کا پاکستان کی سماجی شعبوں کی بہتری کےلیے تعاون قابل تحسین ہے۔

واضح رہے کہ آج صبح متحدہ عرب امارات کے وزیر ثقافت،امور نوجوانان وسماجی ترقی شیخ نیہان بن مبارک لاہور پہنچنے پروزیراعلی پنجاب شہباز شریف نے ان کااستقبال کیا، وزیر اعلی پنجاب نے عرب امارات کے وزیر ثقافت کو پھولوں کا گلدستہ بھی پیش کیا ۔

ایئرپورٹ سے وزیراعلی پنجاب کے ہمراہ عرب امارات کے وزیر ثقافت شیخ نیہان بن مبارک رائے ونڈ پہنچے اور وزیر اعظم نواز شریف سے ملاقات کی ۔

Print Friendly, PDF & Email

Comments

comments

یہ بھی پڑھیں