The news is by your side.

Advertisement

پاکستان عمران خان کی قیادت میں دنیا میں کشمیریوں کا مقدمہ لڑرہا ہے، وزیر خارجہ

اسلام آباد : شاہ محمود قریشی نے مسئلہ کشمیر کے حوالے سے کہا کہ بھارت دنیا میں بے نقاب ہورہا ہے سفارتی محاذ پر بھی ہم اس کو شکست دے رہے ہیں۔

تفصیلات کے مطابق وزیر خارجہ شاہ محمود قریشی نے ان خیالات کا اظہار گورنر پنجاب چوہدری محمد سرور سے ملاقات کے دوران کیا، دفتر خارجہ میں ہوئی ملاقات میں حکومتی اور مسئلہ کشمیر سمیت دیگر امور پر گفتگو کی گئی۔

ذرائع کا کہنا ہے کہ گورنر پنجاب نے وزیر خارجہ کو یورپی اور برطانوی پارلیمنٹ اراکین سے رابطوں سے آگاہ کیا جس پر وزیرخارجہ نے گورنر کے رابطوں پر یورپی پارلیمنٹ میں بھارت کے خلاف آواز بلند ہونے کو سراہا۔

اس موقع پر گورنر پنجاب چوہدری محمد سرور کا کہنا تھا کہ میں یورپی اور برطانوی اراکین پارلیمنٹ کیساتھ مسلسل رابطے میں ہوں اور یورپی پارلیمنٹ کے نائب صدر فابیو کاستالدو کشمیر پر پاکستانی مؤقف کیساتھ کھڑے ہیں۔

وزیر خارجہ شاہ محمود قریشی نے کہا کہ یورپی پارلیمنٹ کے اراکین کا اپنے صدر کو بھارت کے خلاف خط لکھنا خوش آئند ہے، وزیر اعظم کی قیادت میں پاکستان دنیا میں کشمیر یوں کا مقدمہ لڑرہا ہے۔

شاہ محمود قریشی کا مزید کہنا تھا کہ بھارت دنیا میں بے نقاب ہورہا ہے سفارتی محاذ پر بھی ہم اس کو شکست دے رہے ہیں۔

Comments

یہ بھی پڑھیں