The news is by your side.

Advertisement

مسلسل محنت سے معیشت کو آئی سی یو سے نکال دیا، وزیراعظم

اسلام آباد: وزیراعظم عمران خان کا کہنا ہے کہ مسلسل محنت سے معیشت کو آئی سی یو سے نکال دیا، پاکستان تیزی سے اکنامک ریواؤل کی طرف بڑھ رہا ہے۔

تفصیلات کے مطابق وزیراعظم عمران خان نے میڈیا اسٹریٹیجی کمیٹی کے اجلاس کے دوران عوامی مفاد کے منصوبوں میں تیزی لانے کی ہدایت کرتے ہوئے کہا کہ وفاقی وزرا اورحکومتی ٹیم عوامی ریلیف کے لیے اقدامات تیز کریں۔

وزیراعظم نے کہا کہ پاکستان تیزی سے اکنامک ریواؤل کی طرف بڑھ رہا ہے، مسلسل محنت سے معیشت کو آئی سی یو سے نکال دیا۔ انہوں نے کہا کہ حکومتی ٹیم قوم تک ثمرات پہنچانے کے لیے اقدامات کرے۔

وزیراعظم عمران خان نے کہا کہ احساس پروگرام کے تحت پناہ گاہ، لنگرخانوں جیسے منصوبے شروع کیے،غریب طبقے کے ریلیف کے لیے ایسے مزید اقدامات شروع کریں، وفاقی وزرا اور حکومتی شخصیات عوام کے پاس جائیں۔

انہوں نے کہا کہ وزیراعظم عمران خان نے وزرا کو شیلٹر ہومز کے دورے کرنے کی ہدایت کرتے ہوئے کہا کہ نظر رکھیں سردی میں لوگ سڑکوں پر نہ سوئیں۔

وزیراعظم پاکستان نے کہا کہ صحت انصاف کارڈ کا دائرہ کار پورے پاکستان میں پھیلایا جائے، دال،آٹا، چینی،گھی اشیائے ضروریہ کی سستے داموں فراہمی یقینی بنائیں۔

fb-share-icon0
Tweet 20

Comments

comments

یہ بھی پڑھیں