The news is by your side.

Advertisement

بھارت مذاکرات کرنا چاہے تو ہم مذاکرات کریں گے، شاہ محمود قریشی

بشکک: وزیرخارجہ شاہ محمود قریشی نے کہا ہے کہ بھارت مذاکرات کرنا چاہے گا تو ہم مذاکرات کریں گے، پاکستان کا مؤقف ساری دنیا کے سامنے ہے۔

تفصیلات کے مطابق وزیرخارجہ شاہ محمودقریشی کا بشکک میں بھارت سے متعلق میڈیا سے گفتگو کرتے ہوئے کہنا تھا کہ پاکستان ایک پر امن ملک ہے، بھارت بات چیت پر تیار نہیں ہے تو پاکستان کو بھی جلدی نہیں ہے۔

انہوں نے کہا کہ پاکستان انتظار کرسکتا ہے، مذاکرات ہوں گے تو باوقار طریقے سے ہی ہوں گے، امن کی بات کی بھارت نے جارحیت کی اور پھر ہم نے منہ توڑ جواب دیا۔

وزیرخارجہ کا کہنا تھا کہ بھارت مذاکرات کرنا چاہے گا تو ہم مذاکرات کرین گے، بھارت نے مذاکرات سے راہ فرار اختیار کی توہم تعاقب نہیں کریں گے۔

پوچھے گئے سوال پر شاہ محمود قریشی کا کہنا تھا کہ وزیراعظم عمران خان کی بھارتی وزیراعظم سے کوئی ملاقات طے نہیں تھی، بھارت نے وزیراعظم اور وزیرخارجہ کیلئے فضائی حدود کی اجازت مانگی، پاکستان نے جذبہ خیرسگالی کے تحت انہیں اجازت دی۔

پاکستان ایشیائی منڈیوں تک رسائی چاہتا ہے، شاہ محمود

انہوں نے بتایا کہ اجازت کے باوجود بھارت نے لمبا راستہ اختیار کیا، لمباراستہ اختیار کرنا عکاسی ہے کہ ابھی تک اسی ذہنیت میں مبتلا ہیں، بھارتی سرکار ابھی تک الیکشن موڈ سے باہر نہیں آئی۔

ان کا مزید کہنا تھا کہ نریندر مودی نے انتہا پسندی کی بنیاد پر الیکشن جیتا ہے، وہ سمجھتے ہیں اس وقت پاکستان کے ساتھ آگے بڑھناان کیلئے مناسب نہیں ہے۔

Comments

comments

یہ بھی پڑھیں