site
stats
پاکستان

پاک فضائیہ کے دہری سیٹ والے جے ایف 17 بی تھنڈر کی پہلی کامیاب اڑان

کراچی : پاک فضائیہ کے لیے تاریخی لمحہ، جے ایف 17بی تھنڈر  نے پہلی آزمائشی پرواز کرلی۔

تفصیلات کے مطابق پاک فضائیہ کی جانب سے تقریب کا اہتمام کیا گیا ، جس میں دہری سیٹ والے بی جے ایف 17تھنڈر طیارے نے پہلی کامیاب آزمائشی پرواز کی، سربراہ پاک فضائیہ ائیر چیف مارشل سہیل امان تقریب کے مہمانِ خصوصی تھے جبکہ ایوی ایشن انڈسٹری کو آپریشن آٖف چائنا کے ایگزیکٹو وائس پریزیڈنٹ تقریب کے میزبان تھے۔

پاکستان اور چین کی مشترکہ کاوش جےایف 17بی ابتدائی مراحل  سے گزر رہا ہے، جےایف 17بی تھنڈر کی شمولیت خود انحصاری کی طرف سنگ میل ہے، پاک فضائیہ کی ٹریننگ اور آپریشنل صلاحیت میں بہتری آئے گی۔

جےایف 17بی تھنڈر کی شمولیت سے پاک فضائیہ کے پائلٹس کی بہترین جنگی تربیت ممکن ہوسکے گی۔

جے ایف 17 بی تھنڈر طیارے بنانے کا آغاز

یاد رہے گذشتہ سال اپریل میں پاکستان ایئر فورس نے 2 نشستوں والے جے ایف 17 بی تھنڈر طیارے بنانے کا آغاز کیا تھا، پاکستان اور چین کے اشتراک سے بننے والے پہلے جے ایف 17 بی بنانے کی افتتاحی تقریب چینگڈو ایئرو اسپیس کارپوریشن میں منعقد ہوئی تھی۔

خیال رہے کہ پاکستان اور چین کے اشتراک سے جے ایف ۔ 17 تھنڈر طیاروں کی تیاری کا آغاز 1999  میں ہوا جبکہ 4 سال بعد جنگی طیارے نے پہلی پرواز کی تھی تاہم بعد ازاں دونوں ملکوں کے تعاون سے ان لڑاکا طیاروں کی تیاری پاکستان میں بھی شروع کی گئی۔

چین کے ٹیکنیشن کی مدد سے پاکستان میں تیار کیے جانے والے جے ایف 17 تھنڈر کم وزن ملٹی رول طیارے ہیں، جو آواز کی رفتار سے دو گنا زیادہ رفتار سے 55 ہزار فٹ کی بلندی تک پرواز کرنے کی صلاحیت رکھتے ہیں۔

پاکستان جے ایف۔ 17 تھنڈر طیارے ناصرف فضائیہ کے دفاعی ضروریات کے لیے استعمال کر رہا ہے بلکہ ملائیشیا سمیت دنیا کے کئی دیگر ملکوں نے بھی اس طیارے کو خریدنے میں دلچسپی کا اظہار کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top