The news is by your side.

Advertisement

وفاقی حکومت کا پاکستان میں مقیم غیرملکیوں کیلئے بڑا فیصلہ

اسلام آباد : وفاقی حکومت نے ملک میں مقیم غیرملکیوں کو نادرا کارڈ جاری کرنے کا فیصلہ کرلیا ، غیر ملکیوں کو 3 کارڈ کا اجراء کیا جائے گا۔

تفصیلات کے مطابق پاکستان میں مقیم غیرملکیوں کے لیے وفاقی حکومت نے بڑا فیصلہ کرتے ہوئے کہا ہے کہ ملک میں رہنے والے غیر قانونی تارکین وطن کو جلد نادرا کارڈ کا اجرا کیا جائے گا۔

ذرائع کا کہنا ہے کہ نیشنل الین رجسٹریشن اتھارٹی ( نارا) کے پاس اس وقت ایک لاکھ بیس ہزار لوگوں کا ریکارڈ موجود ہے، غیر ملکیوں کو 3 کارڈ کا اجراء کیا جائے گا ، پہلے مرحلے میں ائی ڈی کارڈ فار ایلین دیا جائے گا۔

ذرائع کے مطابق آئی ڈی کارڈ حاصل کرنے والے کو ملک میں کام کرنے کے لئے ورک پرمٹ کارڈ بھی حاصل کرنا ہو گا، دونوں کارڈ حاصل کرنے والے سرکاری نوکری حاصل نہیں کرسکیں گے۔

ذرائع نے بتایا کہ بچوں کے لئے جیونائل کارڈ جاری کئے جائیں گے، جس کے ذریعے اسکول میں داخلہ مل سکے گا، پہلے تارکین وطن کے بچے نویں جماعت کے بعد تعلیم کا حصول نہیں کر پاتے تھے ، اب ممکن ہوگا۔

ذرائع کے مطابق ایلین کارڈ بننے کے بعد یہ تمام افراد بینک اکاونٹ اور موبائل سم ، یوٹیلیٹی کنکیشن ،ڈرائیونگ لائنسنس بھی حاصل کرسکیں گے، ان تمام افراد کا بائیو میٹرک اور نادرا کی طرح مخصوص نمبر بھی جاری کیا جائے گا۔

ذرائع کا کہنا ہے کہ ایک شہر سے دوسرے شہر میں منتقل ہونے کی صورت میں اتھارٹی کو اگاہ کرنا ہوگا، نارا کارڈ نادرا کے دفاتر سے جاری کئے جائیں گے، کارڈ کی پراسسنگ کے حوالے سے میکنزم طے کئے جارہے ہیں ۔

Comments

یہ بھی پڑھیں