The news is by your side.

Advertisement

پاکستان کو شنگھائی تعاون تنظیم کی یوتھ کونسل کا مستقل رکن بنا دیاگیا

بشکک : شنگھائی تعاون تنظیم سے پاکستان کے لئے اچھی خبر آگئی ، پاکستان کوشنگھائی تعاون تنظیم کی یوتھ کونسل کامستقل رکن بنادیاگیا، معاون خصوصی عثمان ڈار نے کہا پاکستانی نوجوان عالمی سطح کےیوتھ پروگرامز میں حصہ لیں گے۔

تفصیلات کے مطابق شنگھائی تعاون تنظیم کی یوتھ کونسل کابارہواں سالانہ اجلاس ہوا، اجلاس میں ایس سی اومیں شامل سربراہان اوریوتھ کونسل کےنمائندگان شریک ہوئے۔

وزیراعظم عمران خان اور عثمان ڈار نے یوتھ کونسل اجلاس میں پاکستان کی نمائندگی کی، اجلاس میں پاکستان کوشنگھائی تعاون تنظیم کی یوتھ کونسل کامستقل رکن بنادیاگیا۔

معاون خصوصی عثمان ڈار نے رکنیت ملنے پر نوجوانوں کو مبارکباد دیتے ہوئے کہا پاکستانی نوجوانوں کوعالمی سطح پرنمائندگی کاموقع مل گیا، پاکستانی نوجوان عالمی سطح کےیوتھ پروگرامزمیں حصہ لیں گے۔

عثمان ڈار کا کہنا تھا وزیراعظم کےنوجوانوں کو بااختیار بنانے کے وژن کو کامیابی ملی، نوجوانوں کی ترقی میں بین الاقوامی برادری بھی تعاون کرےگی۔

مزید پڑھیں : پاکستان کوشنگھائی تعاون تنظیم کی یوتھ کونسل کا رکن بنائے جانے کا فیصلہ

یاد رہے گذشتہ روز عثمان ڈار کا کہنا تھا نوجوانوں سےمتعلق اہم فیصلوں کو عالمی سطح پر پذیرائی مل رہی ہے، شنگھائی تعاون تنظیم نے یوتھ کونسل کا مستقل رکن بنانے کا فیصلہ کیا، پاکستان کو رکنیت دینے سے متعلق تحریری طور پر آگاہ کر دیاگیا۔

معاون خصوصی نے کہا تھا وزیراعظم کی ہدایت پریوتھ کونسل اجلاس میں پاکستان کی نمائندگی کروں گا ، یوتھ کونسل میں چین اورروس سمیت خطےکےاہم ممالک شامل ہیں، پاکستان اوربھارت کوتا حال تنظیم کی رکنیت نہیں دی گئی تھی، پاکستان نے نوجوانوں سے متعلق پالیسیوں میں بھارت کو پیچھےچھوڑ دیا۔

Comments

comments

یہ بھی پڑھیں