پاکستان کا امریکا میں اپنا امیج بہتر بنانے کے لیے لابنگ کا فیصلہ -
The news is by your side.

Advertisement

پاکستان کا امریکا میں اپنا امیج بہتر بنانے کے لیے لابنگ کا فیصلہ

اسلام آباد: پاکستان نے امریکا میں اپنا امیج بہتر بنانے کے لیے 8برس بعد لابنگ کا فیصلہ کرلیا جس کے لیے کسی فرم کی خدمات حاصل کی جائیں گی۔

اطلاعات کے مطابق بھارت امریکا میں پاکستان کا منفی امیج پیش کرنے اور اپنا بہتر امیج اجاگر کرنے کے لیے کئی فرمز کو باقاعدگی سے استعمال کرتا ہے لیکن پاکستان کی جانب سے اس حوالے سے کوئی کام سامنے نہیں آسکا۔

ذرائع کے مطابق پاکستان نے مشرف دور میں امریکا میں لابنگ ختم کردی تھی جس کے بعد سے امریکا میں پاکستان کی بہتر تصویر پیش کرنے کے لیے کوئی موثر کام نہیں کیا گیا جس کے سبب پاکستان کی کمزور خارجہ پالیسی ہے۔

اس حوالے سے اطلاعات ملی ہیں کہ پاکستان نے بھی بھارت کی طرح امریکا میں اپنا امیج بہتر بنانے کے لیے لابنگ کرنے اور اس ضمن میں کسی فرم کی خدمات حاصل کرنے کا فیصلہ کیا ہے۔

یہ فیصلہ تقریباً 8برس کے بعد کیا گیا ہے جس کے دور رس اور مثبت نتائج سامنے آئیں گے۔ پاکستنای حکام کا کہنا ہے کہ لابنگ کا فیصلہ امریکا میں پاکستان کاامیج بہتر بنانے کے لیے کیا گیا۔

یاد رہے کہ اے آر وائی نیوز نے امریکا میں کمزور پاکستانی لابنگ کی نشاندہی کی تھی اور اس حوالے سے خبریں نشر کی تھیں۔

Comments

comments

یہ بھی پڑھیں