site
stats
کھیل

پاکستان ٹیم کے مایہ ناز لیگ اسپنر یاسرشاہ ٹیم میں کم بیک کرنے کیلئے تیار

لاہور: پاکستان کے مایہ ناز لیگ اسپنر یاسر شاہ نے کہا ہے وہ مکمل فٹ ہونے کے بعد 14 جولائی سے شیڈول انگلینڈ دورے کیلئے پاکستان کرکٹ ٹیم میں شامل ہونے کیلئے تیار ہیں۔

یاسر شاہ کا کہنا تھا کہ وہ انگلینڈ کے خلاف سیریز کیلئے تیار ہیں۔وہ عوام اور پاکستان کرکٹ بورڈ کی خواہش پر ملک کیلئے دوبارہ کھیلنے کو تیار ہیں۔

خیال رہے کہ عالمی انسداد ڈوپنگ ایجنسی نے ممنوعہ دوائی استعمال کرنے پر گزشتہ سال 27 دسمبر کو یاسر کو عبوری طور پر معطل کر دیا تھا۔

واضح رہے کہ یاسر شاہ نے گزشتہ برس ٹیسٹ کرکٹ میں غیرمعمولی کارکردگی کا مظاہرہ کرتے ہوئے 12 میچز میں 76 وکٹیں حاصل کی تھیں، اس کے ساتھ ہی انہوں نے پاکستان کی طرف سے تیز ترین 50 وکٹیں لینے والے باﺅلر کا اعزاز بھی اپنے نام کیا تھا۔

انہوں نے گزشتہ سال انگلینڈ کے خلاف ٹیسٹ سیریز میں قومی ٹیم کو 2-0 سے کامیابی دلانے میں بھی کلیدی کردار ادا کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top