The news is by your side.

Advertisement

‘پاکستان کی ایف اے ٹی ایف کی گرے لسٹ سے نکلنے کی قانون سازی مکمل’

لاہور : وزیراطلاعات پنجاب فیاض الحسن چوہان کا کہنا ہے کہ پاکستان نے ایف اےٹی ایف کی گرے لسٹ سےنکلنےکی قانون سازی مکمل کرلی ، ڈیڈلائن سے پہلے قانون سازی حکومتی کوششوں اور نیک نیتی کی عکاس ہے۔

تفصیلات کے مطابق وزیراطلاعات پنجاب فیاض الحسن چوہان نے اپنے بیان میں کہا ہے کہ پاکستان نے ایف اےٹی ایف کی گرےلسٹ سےنکلنےکی قانون سازی مکمل کرلی ہے ، وزیراعظم اور ان کی پوری ٹیم اس کامیابی پر مبارکباد کی مستحق ہے۔

فیاض الحسن چوہان کا کہنا تھا کہ ڈیڈلائن سے پہلے قانون سازی حکومتی کوششوں اور نیک نیتی کی عکاس ہے، فروری سےستمبرمیں پارلیمنٹ نے 13بلز سے 10 ترمیمی ایکٹ پاس کیے، عالمی مالیاتی اداروں اور بزنس کمیونٹی کا پاکستان پر اعتماد بڑھے گا۔

وزیراطلاعات پنجاب نے کہا کہ الائیڈ پارٹیزفارکرپشن نے منی لانڈرنگ سے ملک کو گرے لسٹ تک پہنچایا ، 2008 اور 2012 سے 2015 میں ایف اے ٹی ایف گرے لسٹ میں رہ چکا ہے، گزشتہ حکومتوں نے اقدامات کیے ہوتے تو نوبت یہاں تک نہ آتی۔

یاد رہے پارلیمنٹ کے مشترکہ اجلاس میں کیپیٹل علاقہ جات وقف املاک اور اینٹی منی لانڈرنگ بلز 2020 کثرت رائے سے منظور کر لیے گئے تھے۔

Comments

یہ بھی پڑھیں